| Text |
Praelectionum publicarum in tractatione de mundi systematibus continuatio / Anno 1702 / MENSE IANUARIO / Die 9 ☽ Januarii Quae in syntaxi Eudoxi restabant, absolvi. / Die 10 ♂ Januarii Calippi et Aristotelis asserta, circa hanc hypothesin, demonstravi. / Die 12 ♃ Ianuarii Systematum absurdorum quorundam, occasione Xenocratici, historiam agressuss sum, recensitis Xenocratis, Anaximandri, Metrodori atque cratetis vitis. / Die 13 ♀ Ianuarii Systematis rustico-poëtici delineationem, ac descriptionem, dedi. / Die 16 ☽ Ianuarii Ad systematum post Christum natum tractationem accessi, ductis a Ptolemaico primordiis. / Die 17 ♂ Ianuarii Argumentorum pro immobilitate terrae à Ptolemaeo, eiusque tum antecessoribus, tum sectatoribus, adductorum seriem sum exorsus, recensito primo, ex natura motus gravium et levium desumto. / Die 19 ♃ Ianuarii Eiusdem argumenti rationem ex Iohannis de Sacro Boseo de Sphaera libro atuli, eiusque expositionem, uberiorumque deductionem per Clavium datam, offere coepi. / Die 20 ♀ Ianuarii Absolutis Clavii pro hoc argumento rationibus, novum Aristotelis argumentum ex modo motus gravium, qui sit per lineam rectam, explicavi. / Die 23 ☽ Ianuarii Iohannis Baptistae Riccioli sententiam, a brevitate et compendio itineris pro immobilitate terrae concludentem, adduxi. / Die 24 ♂ Ianuarii Alterum eius, a simplicitate motus gravium desumtum assertum, recensui. / Die 26 ♃ Ianuarii et Die 27 ♀ Ianuarii Argumenta tria nimirum a linearum figurarum mensurarumque confusione, et bina alia ex natura gravium desumta proposui. / Die 30 Ianuarii Quae ad argumentum, ex gravium descensus prope terram velocitate concludens, praerequirebantur explicavi, ubi et / Die 31 ♂ Ianuarii Classes experimentorum potissimorum a Ricciolo et aliis, pro hoc impetus incremento, institutorum recensui et examinavi. / MENSE FEBRUARIO / Die 3 ♀ Februario Argumentum ipsum proposui, et ex Ptolemaicorum placitis probavi. / Die 17 ♀ Februario Post ferias nundinales argumentum Aristotelis, ex sempiternitate mundi, pro quiete terrae e centro mundi argumentantis, adduxi. / Die 20 ☽ Februari Eiusdem aliud, ab experientia observationum, tot annorum serie circa stellas fixas institutarum idem concludens, expendi. Pocco / Die 21 ♂ Februario et 23 ♃ Februario super ea, quae a vicissitudine dierum ac noctium, non minus a stellis fixis ex puteo interdiu spectatis, ut et a magnitudine apparenti stellarum, ab umbris Gnomonum, et ex observantibus eclipsium lunarium in medium proferuntur, sum commentatus. Quibus / Die 24 ♀ Februario tum illud, quod eclipsi miraculosa solis, tempore mortis Christi, pro medio termino demonstrationis utitur, tum, quod absurda et falsa, quae essent secutura, contra motae terrae sententiam producitur, insuper addidi. / Die 27 ☽ Februario et Die 28 ♂ Februario Argumentum ultimum, quod tum autoritati scriptura sacra, tum sanctorum patrum consensui et celeberrimorum, qui ante et post Ptolemaei tempora vixerant, Astronomorum consensui est inaedifica / MENSE MARTIO / Die 2 ♃ Martii tum deduxi. / [v] / Die 3 ♀ Martii In explicanda thesi, sum progessus, et rationes, quae pro ordine planetarum in systemate ptolemacio sic, et non aliter, constituendo adducuntur, explicavi. / Die 6 ☽ Martii Distantiis planetarum, ubi ex calculo datorum Ptolemaicorum ab autoribus indicatae cernuntur, in tabulam peculiarem conjectis, thesi 12 et 13 ª allegavi autores, qui quidem in retinenda terra pro centro mundi a Ptolemaeo haud abiere, coelorum tamen ordinem partim immutarunt, partim mulitplicaverunt. / Die 7 ♂ Martii Thesi 14ta quomodo insequenti tempore iam tum ab Alphetragio loco motus stellarum proprii, informiter difformis motus communis, secu [?] earum tardior ad eundem meridianum appuliai [?] fuerit substitutus, deduxi. / Die 9 ♃ Martii De motu coelorum, eorumque motoribus, occasione huius theseos, mihi fuit dicendum. / Die 10 ♀ Martii in thesi 15ta rationem, tum omnium diffusissimi scholasticorum systematis, tum ab eo in paucis diversorum Pontifii ac Eustachiani, proposui atque hanc ipsam, postquam valetudinem et febris ardentis obortum impetum. / Die 13 ☽ Martii et Die 14 ♂ Martii } Praelectiones fuerunt differendae. / Die 16 ♃ Martii et Die 17 ♀ Martii Dedi explicatam. / Die 20 ☽ et Die 21 ♂ Martii Confestibus publicis interfui. / Die 23 ♃ Martii Systema Nicolai Copernici, cui seculo ante alter Nicolaus, Cusanus nomine, iam tum praeluserat, cum additione Cartesiana, recensitis autorum vitis, sum exorsus. / Die 24 ♀ Martii Motum terrae primum vertiginis, et secundum circumlationis, ex Copernicanorum mente explicavi. / Die 27 ☽ Martii Effectus motus secundi minimum annui terrae in plurimis phaenomenis ostendi. / Die 28 ♂ Martii Motum terrae tertium, inclinationis, commentationibus illustravi, atque argumentorum pro terra motu diurno primum, a figura terrae concludens, recensui. / Die 30 ♃ Martii Argumenta IIdum, IIItum, IVtum ac Vtum partim ab impotentia, ac exilitate terrae, partim a proportione motuum terrae et sphaerae stellarum fixarum desumta, demonstravi. / Die 31 ♀ Ob iter necessarium lectio publica fuit differenda. / Rudolphus Christianus Wagner / Mathematices Professor Publicus et Ordinarius |