| Text |
CONTINUATIO PRÆLECTIONUM de Coniunctionibus Planetarum / MENSE IULIO 1702 / Die 3 ☽ et Die 4 ♂ } In explicatione theseos 4ta sum progressus, et occasione eiusdem de differentibus stellarum motibus verba feci. / Die 6 ♃ Quomodo tempus revolutionis coniunctionum magnarum modo simpliciori et faciliori definiendum sit, demonstravi. / Diebus 7 ♀, 10 ☽ , 11 ♂, 13 ♃ [et] 14 ♀ } Modum alterum accuratiorem sed et difficiliorem declaravi, quaeque pro hisce necessaria erant logisticae sexagenariae adminicula dedi explicata, et tandem. / Die 17 ☽ Quomodo tempus hoc vel in annis Ægyptiacis vel in Iulianis sit exprimendum, ostendi. / Die 18 ♂ Secundum ductum theseos 5tae causam exponere incepi, ob quam coniunctiones magnae ad alia atque alia Zodiaci loca transeant. / Die 20 ♃ Erat mutatio Vice Rectoratus. / Die 21 ♀ Consistorium publicum praelectiones publicas intercipiebat. / Die 24 ☽ et Die 25 ♂ Quomodo loca coniunctionum magnarum non praecise triente circuli, seu 120 gradibus sed 117 gradibus saltem distent ut et qua ratione haec distantia sit invenienda, commonstravi, et quid coniunctio maior sit, exposui. / Die 27 ♃ et Die 28 ♀ Fundamentum maximarum coniunctionum et harum naturam in thesi 6ta proposui et explicavi. / [v] / Die 31 ☽ et / MENSE AUGUSTO / Die 1 ♂ et Die 3 ♃ In thesi 7ma pro cognoscendis effectibus, qui coniunctionibus singulis ab Astrologis adiudicantur, de influxibus stellarum ex Astrologorum mente disserui, atque argumenta pro influxibus facientia recensui. / Die 4 ♀ et Die 7 ☽ In specie de influxibus planetarum fuit actum. / Die 8 ♂ Quomodo hae planetarum vires diversis ex causis intendantur et imminuantur ex placitis Astrologorum demonstravi. / Die 10 ♃ Schematismis dilucidavi, et in tabula quasdam qualitates planetarum exhibui. / Die 29 ♂ et Die 31 ♃ Post Nundinas Brunsvicenses super influentias fixarum sum commentatus, atque. / MENSE SEPTEMBRI / Die 1 ♀ Quomodo per hos fixarum influxus planetarum vires vel infringantur vel adiuventur, demonstravi. / Diebus 4 ☽, 5 ♂, 7 ♃ [et] 8 ♀ In thesi 8va qua ratione in his omnibus fallant et fallantur Astrologi, ex mente hodiernorum / [93r] / celeberrimorum Astronomorum demonstravi, et quod ab influxu luminarum ad reliquorum planetarum et stellarum fixarum influxus non valeat consequentia, expositis causis ostendi. / Die 11 ☽, Die 12 ♂, Die 14 ♃ [et] Die 15 ♀ } In thesi 9na haec ipsa ad nostrum scopum fuere applicata, et quae Astrologie in specie de coniunctionum singularum influxu solent in scriptis tradere, examinata. / Die 18 ☽, Die 19 ♂, Die 21 ♃, Die 22 ♀, Die 25 ☽ [et] Die 26 ♂ Cum pro formando, de coniunctionis Saturni et Iovis nostrae praesentis efficacia, iudicio electio thematis coelestis, ad inventum coniunctionis tempus, fuerit neccesaria, modos ostendi varios electionis harum figurarum coelestium, thesi 10mae insertarum [?]. / Die 28 ♃ Ob usum medicamenti lectio publica fuit differenda. / Dies 29 ♀ Erat festum Sancti Michaëlis. / Rudolphus Christianus Wagner / Mathematices Professor Publicus et Ordinarius |