| Text |
Continuatio Praelectionum de Coniunctionibus Planetarum / Mense Octobri 1702 / Die 2 ☽ Postquam in praecedentibus modos varios partim faciliores partim difficiliores erigendi themata seu figura coeli monstraveram, illum quoque, qui rationalis a Regiomontano vocatur, explicavi, et quomodo beneficio globi coelestis repraesentandus sit, demonstravi. / Die 3 ♂ In exemplo argumenti nostri, de coniunctione magna Saturni et Jovis, quomodo tempus praeparandum et (1) civile in astronomicum convertendum, postea (2) aequandum, atque / Die 5 ♃ Quomodo (3) à meridiano quocunque dato ad nostrum reducendum differentia que longitudinis in tempus mutanda sit, ostendi. / Die 6 ♀ Qua ratione, pro determinandis ad datum tempus locis planetarum, motus longitudinis diurnus planetarum, beneficio Ephemeridum inveniatur, commonstravi. / Die 9 ☽, Die 10 ♂ [et] 12 } ♃ Rationem, qua pars proportionalis, horis residuis, in singulis planetis, conveniens inquiratur, edocui. / [v] / Die 13 ♀ Ex motu planetarum in latitudinem diurno, Ephemeridum ope, partem proportionalem singulis accomodam cum auditoribus investigavi. / Die 16 ☽ [et] Die 17 } ♂ Pro praelectionibus hisce eodem mense ad finem perducendis, binis de die horis, qua ratione iuxta formam rationalem Regiomontani thema coeli e tabulis directionum et beneficio Ascensionum erigendum sit, ostendi. / Die 19 ♃ Figuram coeli ex tabulis domorum Argolianis delineavi. / Die 20 ♀ [et] Die 23 } ☽ Quomodo speculum Astrologicum, pro determinandis fortitudinibus et debilitatibus planetarum, formandum sit, commonstravi. / Die 24 ♂, Die 26 ♃ [et] Die 27 ♀ } Iudicium de coniunctione illa, ad mentem Astrologorum ex variis capitibus, verbi gratia natura planetarum et radiis ad hos ipsos directas, formavi, et effectus, tum in naturalibus tum in politicis ab Astrologis forte praedictos vel praedicendos, adduxi, atque his commentationibus, actis divino Numini gratiis decentibus, colophonem imposui. / [95r] / Die 31 ♂ Iter ad contrahendas nuptias institui, quod ipsum negotium sontica utut est causa, ob quam lectiones publicas per tempus aliquod differre vel ex clementissima serenissimorum DOMINORUM NUTRITORUM concessione licet, quantum tamen potui, operam dedi, ut nihilosecius muneri meo satisfacerem. Hoc enim fine in iis non modo feriis, quae Michaëlis festum sequuntur, labores meos publicos ante continuavi. Sed et binis de die horis per duas hebdomades iisdem postmodum vacavi. Primis autem Mensis Decembris diebus ad Ecclipsium doctrinam facientia collegi. / Praeletionum de Ecclipsibus Series. / Mense Decembri / Die 12 ♂ Praemissa prooemii loco commentatione huius argumenti in doctrina hac secundum ductum tabularum schmidianarum de coordinatione Tabula I generalis, huiusque ratione disserui atque definiti seu Ecclipseos vocabulum explicavi. / [95v] / Die 14 ♃ Definitionem generalem Ecclipsium exposui. / Die 15 ♀ Causas Ecclipsium tum falsas tum veras ab Autore allatas ut et alias recensui. / Die 18 ☽ De terminis ecclipticis cum possibilibus tum necessariis disserui, adhibitis pro his ipsis Schematismis necessariis. / Die 19 ♂ De magnitudine et duratione Ecclipsium egi, et quomodo utraque colligatur in genere, ostendi. / Die 21 ♃ [et] Die 22 ♀ } Species Ecclipsium, et (1) eam, quae est ratione quantitatis dilucidavi, ac Schema et pro partialibus et pro totalibus declineavi. / Sequebantur Feriae Natalitiae. / Rudolphus Christianus Wagner, Rudolphus Christianus Wagner / Mathematices Professor Publicus et Ordinarius |