| Text |
Mense Iulio Anno MDCCIII / Hoc mense propter usum acidularum Pirmontanarum abfui, nec ordinariis laboribus vacavi. / Mense Augusto / Ab acidulis redux factus, diebus 9 et 10 ad lectiones morales reversus sum, et in fundamentis ethicae meae ad offica et virtutes hominum erga alios, perrexi, in genere de officiis hisce praefatus. / Die 13 Incidebant nundinae Brunsvicenses. / Die 20 Fundamentum horum officiorum latius exposui. / Diebus 21, 23 [et] 24 De iustitia et opposito illi vitio iniustitia egi. / Diebus 27 [et] 28 Disserui de liberalitate et magnificentia. / Diebus 30 et 31 Opposita harum virtutum exhibui, pergens ad mansuetudinem, cuius definitionem resolvi, addendo mansuetudinis diversas species, Longanimitatem, Lenitatem et Benignitatem et mansuetudinis opposita. / Mense Septembri / Diebus 3 et 4 Erant nundinae nostrae oppidanae. / Diebus 6 et 7 Virtutum Homileticarum expositionem exorsus sum. / Diebus 10, 11, 13 [et] 14 De veracitate, comitate, et urbanitate, illarumque extremis in specie disserui. / Diebus 17 [et] 18 De gravitate et civilitate. / Die 20 Lectiones meas ad libros Nicomachicos Aristotelis exorsus sum. / Die 21 Iter in patriam suscipiendum fuit. / Joh. Wilh. Engelbrecht |