| Text |
Mense Aprili / Post finitas ferias Paschales venditio fuit librorum publica, qua peracta ad lectiones reversus. / Diebus 26 et 27 De initiis Regni Gallici et prioribus duabus Regum familiis disserui. / Diebus 27 et 30 De tertiae Stirpis Carpetingicae primo intervallo, eiusque directa stirpe, in seculo usque XIV florente, egi. / Mense Maio / Diebus 1 et 4 Valesiae gentis successionem, et nata hinc cum Anglis, ultra quam [?] seculum continuata bella, Galliae tantum non exitiosa, persecutus fui. / Diebus 7 et 8 Quomodo, anglis debellatis, regnum / [v] / velut e naufragio Caroli VII felicitate collectum et instauratum, sub Ludovico XI et postea partium adhuc avulsarum accesione magis emerserit. / Diebus 10, 11 et 14 Quemadmodum inde ad externas acquisitiones Gallia se accinxerit, Italicasque sub Carolo VIII, Ludovico XII et Francisco I. expeditiones, nullo fructu susceptas, exposui. / Die 15 De Henrico II. motibus Germanicis se immiscente, egi. / Die 17 Festum Adscensionis. / Diebus 18, 21 et 22 Civilia sub Henrico II filiis Franc II. Carolo IX et Henrico III. bella, per 40 fere annos continuata, recensui. / Diebus 24 et 25 Quomodo tandem sub Borboniae gentis Rege Henrico IV Gallia e civilibus malis emerserit, atque ad maiorem potentiam efloruerit. / [66r] / Secutae sunt Feriae Pentecostales. / Mense Iunio / Die 7 Lectiones repentes eodem et sequentibus. / Diebus 8, 11 et 12 Quemadmodum Ludovicus XIII, cum sub eiusdem minore aetate Gallia in intestinos motus esset revoluta, felicibus, dein Richelii consiliis, perpertuis domi forisque successibus magnitudinis Galliae fundamenta posuerit. / Diebus 14, 15, 18 et 19 Quae sub Ludovici XIV Imperio usque ad nostram aetatem per Gallos gesta, ordine persecutus sum. / Diebus 21, 22 et 25 Quae de titulis Regum Galliae, prole Regia, et insignibus memorari merentur, adieci. / Hermannus Dietericus Meibomius |