| Text |
ANNO MDCCIII / Mense Iulio finiente / Academico Magistratu abii, et / Mense Augusto / Programmate significavi, propositum esse imposterum uni biduo Chirugica tradere, et à materia de Vulneribus rem auspicavi [?] altero biduo Casus Medicos in Praxi occurrentes explicare: quas praelectiones exorsus sum. / Die 9 Et in genere quaedam praefatus sum, quid in Casuum et Observationum Studio et collectione attendendum sit, ut instruere futurum Medicum, et iudicium Practicum formare possint. / Die 10 Argumentum hoc ulterius exposui: notabilem historiam Febris Tertianae recensui. / Sequebantur nundinae Brunsvicenses. / [v] / Die 23 Febrium, intermittentium rationem, sedes, causas et curandi modos plenius explicavi, et / Die 24 Febris Tertianae Duplicis in puero curatae historiam communicavi. / Diebus 27 [et] 28 De Chirurgiae initiis et incrementis, optimisque eius scriptoribus quaedam praemisi. / Die 30 Plenam casus nuper propositi explicationem et resolutionem subiunxi. / Die 31 Erysipelatis male tractati et Gangraenae hinc in crure imminentis prepressea et prohibitae historiam exposui. / Mensis Septembris / Diebus 3 [et] 4 Erant nundinae oppidanae. / Die 6 Erysipelas, eius causam et differentias uberius descripsi. / Die 7 De Gangraena et Sphacelo ad illustrationem huius casus pertinentia attuli, et proposui gravissiumum Anginae exemplum. / Die 10 Vulnerum differentiam exposui, et de Articulorum aqua in vulneribus articulorum profluente, quae vulgo / [91r] / Synovia appellatur, das Gliedwasser, egi et prognosum vulnerum addidi. / Die 11 Sectioni Calculi Vesicae in puero factae cum Studiosis Medicinae interfui. / Die 13 Anginae historiam, quantum ad propositum casum ea spectata, tradidi. / Dies 14 Anginae prognosin et curationem explicui. / Diebus 17 [et] 18 Ob iter ad aegrum non docui. / Dies 20 Interfui examinibus Candidatorum in Facultate Philosophica. / Dies 21 Casus Angina laborantis resolutionem subiunxi, et novum Calculo Vesicae affecti pueri proposui. / Sequebantur deinde bina ad aegros itinera, et feriae ordinariae Festi Michaëlis. / Fridericus Schrader Doctor |