| Text |
Praelectionum de Eclipsibus continuatarum series. / Mense Ianuario 1703 / Die 3 ☿ In turri Collegii nostri eclipsim lunarem observavi atque praesentibus eandem ad oculum, ab initio ad occultationem lunae usque, demonstravi. / Die 5 ♀ Observatam delineatamque in tabula publica exhibui. / Die 12 ♀ Rarius cum eadem foret, illam eandem discursibus illustravi. / Dies 15 ☽ De eclipsibus partialibus, quae restabant absolvi. / Die 16 ♂ De specie eclipsium quae est ratione qualitatis disserui, verarum, ut et apparentium, rationem explanando. / Die 18 ♃ Actum circa eclipses antecedentem, sive praevisionem demonstravi. / Die 19 ♀ De secundo concomitante, nempe observatione, egi. / Die 22 ☽ Usus eclipsium, Theologicum, Moralem, et Geographicum docui. / Die 23 ♂ Chronologicum Physicum ac Politicum addidi. / Die 25 ♃ Dies mutationi Vice-Rectoratus sacer erat. / Die 26 ♀ Usum Astrologicum exponere incepi, atque ut idem in exemplo melius pateret, de praeterito deliquio lunari iudicium ex Astrolgorum mente formaturus, quomodo tempus eclipseos ad negotium hoc praeparandum sit, comministravi. / [v] / Die 29 ☽ Quomodo loca planetarum et ☊is ex ephemeredibus excerpta ad datum tempus, beneficio partis proportionalis, sint accommodanda, ostendi, a ♄ni at ♃ris locis facto initio. / Die 30 ♂ Loca ♂is, ☉is, et ♀is investigavi. / Mense Februario / Die 1 ♃ Erat disputatio inauguralis theologica. / Die 2 ♀ Festum purificationis Mariae celebrabatur. / Die 15 ♃ Post nundinas Brunsvicenses ☿rii ☽ae et ☊is loca determinavi. / Die 16 ♀ In motu latitudinis planetarum ad datum tempus definiendo fui occupatus. / Die 19 ☽ Qua ratione Thema coeli ad datum eclipseos tempus beneficio globi coelestis erigi debeat ostendi. / Die 20 ♂ Modum construendi thema nostrum per tabulas domorum, communicavi. / Die 22 ♃ [et] Die 23 ♀ } Modum tertium, ascensionum ope absolvendum, explicui. / Die 26 ☽ Pro domo [?] eclipseos, secundum Ptolemoi praecepta notanda, fortitudines et debilitates planetarum inquisiturus, à ♄no primos deduxi. / [98r] / Die 27 ♂ Et porro. / Mense Martio. / Die 1 ♃ ac Die 2 ♀ } Testimonia fortitudinum et debilitatum ♃is, ♂is, ♀ris et ☿rii pariter collegi, atque Ptolemai reliquas regulas, ad domus [?] eclipseos electionem facientes, explanavi. / Die 5 ☽, Die 6 ♂ [et] Die 8 ♃ } Explicatis iis, quae ex asterismo, signo Zodiaci, loco eclipseos, quantitate, colore, stellarum fixarum positu, in huius deliquii exemplo colligerent ac pronuntiarent Astrologi, iudicium de initio et fine, adeoque duratione effectuum, secundum placita eorum consignavi Tabulam 1 generalem absolvi. / Die 9 ♀ De eclipsibus ☉is ad ductum Tabulae IIdae disserere sum exorsus, et monstrata coordinatione huius, definitione ☉rium, tum essentialem tum causalem tum ex utrisque compositam, cum causis falsis antiquorum lustravi. / Die 12 ☽ Causam veram argumentis deduxi, et confirmavi. / Die 13 ♂ De tempore deliquiorum solarium, ut et de terminis eclipticis egi. / Die 15 ♃ Discursum de terminis eclipticis continuavi, atque Tabulam de hisce, pro diversa Autorum sententia suppeditari, explicavi. / [98v] / Die 16 ♀ De magnitudine ☉rium eclipsium verba feci, ut et durationem earundem explanare incepi. / Die 19 ☽ Quae restabant, ad finem perduxi, traditis interum in tabula discrepantibus de hac auctorum sententiis. / Die 20 ♂ De speciebus ☉rium deliquiorum ita dixi, ut doctrinam de totalibus absolverem. / Die 22 ♃ Partialium rationem proposui, ut et quare non nisi particulares dentur ☉is eclipses, demonstravi. / Die 23 ♀ De extraordinariis ☉ribus egi, et momenta eclipseos in agone Christi obortam ad potissimam partem suppeditavi. / Die 26 ☽ et Die 27 ♂ } Erat mercatus oppidanus. / Die 29 ♃ Quae in miraculosae illius extraordinariae iam nominate eclipseos momentis restabant, absolvi et super extraordinarias, a causa accidentali factas sum commentatus. / Die 30 ♀ Quomodo praevisio eclipsium ☉rium procedat, declaravi. / Rudolphus Christianus Wagner Professor publicus |