| Text |
ANNO 1703 / Cum / Mense Aprili / Increscente post festum paschatos civium studiosorum numero, novis me interea lectionibus praeparabam. / Mense Maio / Die 6 ☉ Ad audiendas Institutiones Iuris Canonici ad Ecclesiae veteris et hodiernae statum a Johann Schiltero accommodatas, iuventutem Academicam invitavi. / 10 ♃, 11 ♀ [et] 14 ☽ } Ad ductum praefationis Schilterianae egregios Iurisprudentiae Canonicae fructus, usumque tam apud Romano-Catholicos, quam protestantes, remotis, quae moreri solent, dubitationibus differentiam item inter Ius Canonicum et Pontificium Romanorum et pro vario Ecclesiae Christianae statu variae Legilationis Ecclesiasticae, petita ex ipsis fontibus fundamenta explicui. / 15 ♂ De natura Iurisprudentiae sacrae agere exorsus sum. / 17 ♃ Erat dies festus adscensionis Domini. / 18 ♀ Reipublicae et Ecclesiae, Imperii et sacerdotii diversos fines, et in quantum Ecclesia publicae rei pars sit, tum qui Theologiam et Iuris prudentiam Ecclesiasticam distinguant limites, excussi. / 21 ☽ Consistorio interfui. / 22 ♂ Fontes Iuris Ecclesiastici, Ius divinum, humanumque, commonstrare coepi. / 24 ♃ De obligatione eorum, quae ab Apostolis tradita, tum dein de Canonibus, item Constitutionibus Apostolicis, quae vulgo audiuntur, disserui. / 25 ♀ De Codice canonum Ecclesiae universae actum. / [v] / Post ferias Pentecostales / Mense Iunio / Die 8 ♀ De canonibus ab Ecclesia orientali receptis, tum de omni vetustioris Ecclesiae occidentalis Iure Canonico disserui. / 11 ☽ De pseudo-Isidoro, Iurisque in occidente Ecclesiastici corruptelis. / 12 ♂ De Iure pontificio, eiusque partibus et fatis dixi. / 14 ♃ De Ecclesiae fundamento, ortu et indole. / 15 ♀ De illis in Catholicam et haereticam, ac Schismaticam, in orientalem et occidentalem, aliisque distinctionibus. / 18 ☽ De Hierarchiae Ecclesiasticae origine, incrementis, fatisque variis et fundamentis. / 19 ♂ [et] 21 ♃ } De subnascente et invalescente auctoritate Episcopali, metropolitica, primatu Patriarcharum, et supra caeteros Romani Antistitis. / 22 ♀ De Parochiis et titulis, ecclesiis matre et filia, cathedrali et incathedrata, ac collegiata, item de laicis et parochianis. / 25 ☽ De Iure pastorali et de iure Episcopali, de potestate ordinis, lege iurisdictionis et dioecesana tum de potestate Ecclesiae propria, et quatenus ea clericis commissa, dictum. / 26 ♂ Nuptiis interfui. / 28 ♃ [et] 29 ♀ De synodis usque oecumenicis rationalibus, provincialibus, privatis, convocandi illas iure, adsessoribus, aliisque hanc materiam illustrantibus egi. / J. Werlhofius |