| Text |
ANNO MDCLVII / Aprilis mensis die XIVto (huc enim usque gravis morbus me distulerat) ex lege mihi praescripta à Latino scriptore ad dicendi artem transii, denuo auspicatus publice interpretari Rhetoricam Aristotelis neque isto mense ullum praelectioni publicae destinatum diem omisi, praeter XVItum & XXIIItium quos ambos iectos inaugurales disputationes occupabant. / À Kalendis Maii easdem praelectiones continuavi & propedie Pentecostes libri primi Rhetoricorum caput sextum absolvi. Reliquum mensis ex lege feriatum fuit. / A Kalendis Junii duas hebdomadas occupavit instituta in Juleo librorum publica auctio, cui quotidie interfui & Bibliothecae Academiae insignes in pagina ista consignatos libros, precio mediocri comparavi. Mox XVto mensis huius die ad praelectiones reversus libri I. Rhetorica capita septimum, octavum & magnam partem noni, ad finem usque mensis sum interpretatus, cum intermedio tempore nuptiae ad priorum lapidem inevitabiles diem unum, postea & Coenobii mihi crediti grave negotium diem alterum exemerunt. / Scripsi Kalendis Julio Anno 1657 / Christoph Schrader manu propria |