| Text |
MDCCIV / Mensibus / Ianuario Februario Martio / In Professione Politices / Finitis feriis natalitiis et inauguratione novi templi academici peracta, publicas in Kulpisii collegium Grotianum praelectiones auspicaturus. / Mensis Ianuarii / Die 31 Orationem iis auspicalem praemisi, cuius argumentum fuit: difficulter quem hodie emergere, nec quem emergere nisi cui fautor commendatorque contingit. / Mensis Februarii / Die 1 De utilitate studiorum iuris naturae et gentium deque fundamento huius disciplinae, secundum ductum Kulpisii exercitatione prima disserui. Propter nundinas Brunsvicenses et invaletudinem aliquamdiu non docui. / Die 29 Dominum eminens, descriptionem iuris naturae Grotianam, et an ius naturae cadat in brutas, expendi. / Martii / Die 3 Quod detur ius gentium voluntarium à iure naturae specie distinctum, quodque bellum gerere nec naturali nec gentium, nec divino iuri tam veteris, quam novi testamenti, repugnet ostendi. / Die 4 Interfui publico consistorio. / 6 Exercitationem Kulpisianam secundam explicare coepi, et inter alia, unde iudicia publica originem trahant, quodque in casu cessantis judicii bellum privatum licitum sit, ostendi. / [v] / Die 7 Maiestas Civilis quid sit, unde oriatur, quodnam subjectum eius commune ac proprium docui. / } 10 [et] 11 Erat mercatus oppidanus. / 13 Quid de iure bellandi subditorum in principes sentiendum sit, et an lex de non resistendo principi etiam in necessitate inevitabili obliget, expendi. / 14 An liceat arma sumere in invasorem imperii an imperantes, subditos omnes bello liceat adhibere, consideravi. / 17 Quid pro vitae defensione liceat, dictum fuit, actumque simul de bello offensivo et primaeva quam vocant, rerum omnium communione. / In Professione Eloquentiae / Mensis Ianuarii / Die 25 In praelectionibus publicis ad Bosii de comparanda prudentiâ et eloquentiâ civili librum, de Sallustio Nepote, Livio, Curtio, Suetonio, Tacito, iuxta ductum § 30 disserui, hosque scriptores ad prudentiam civilem comparandam mature aptos esse legendosque et emendatissimis editi [?] omnibus et cum observationibus sapientum ostendi. / 28 E mediae aetatis historicis, ad civilem prudentiam hauriendam conducere dixi, Saxonem Grammaticum, Lambertum Schafnaburgensem, Rodericum Ximenium, aliosque dixi. / 29 De Thuani historiarum libris, Paulo Iovio Petro Bembo, Nicolao Machiavello, Philippo Cominaeo disserui. / 31 In doctrina de scriptoribus historicis, in quantum / [7r] / civilis prudentiae studioso inserviunt, perrecturus de Paulo Paruta, Famiano Strada, Victorio Siri, Petro Mathaeo, Bartholomaeo Gramondo, Cambdeno, Verulamio, Buchanano, actum fuit. / Mense Februari / Die 1 De Baudio Meursio, Grotio, Ubbone Emmio, Pontano, Pastorio, eorumque historicis libris sermonem habui. / Die 29 De historicis Germanicis, civilis prudentiae cultori utilibus, Sleidano, Lundorpio, Chytraeo, Hortledero, Goldasto, Lehmanno, Boeclero. / Mense Martio / Die 3 Bosio praeunte de historicis Scriptoribus egi, qui Romanae Ecclesiae, Romanorumque Pontificum res enarrarunt, Platina, Massonio, Ciacconio, Paulo Sarpio aliisque. / 4 De iis, qui vitas illustrium virorum litteris consignarunt, egi, veteribus, recentionibus, de Gualdo, Gassendo, Thuano, Cardano, aliis. / 6 [et] 7 Illos consideravi scriptores, qui Republicas integras, earumque statum, origines, progressus, ex professo descriperunt. / 13 De Republicis fictitiis, earumque scriptoribus egi, Utopia Mori, civitate solis Campanellae, Eudemia Erythrai etc. / } 14 [et] 17 Enarravi scriptores praestantiores, qui certa argumenta politica seorsum tractant, qui praecepta et observationes politicas per modum axiomatum apophthegmatum collegerunt, qui arcanes imperantium artes vel in thesi, vel in hypothesi considerant. / Sequebatur festum Paschatos. / J. C. Böhmer |