| Text |
MDCCIV / Mensibus / Iulio Augusto et Septembris / in / POLITICES PROFESSIONE / Mense Julio propter acidularum usum non docui. Ex itinere Pyrmontano redux. / Mense Augusto / Die 4 In praelectionibus publicis ad Culpisii Collegium Grotianum exercitationem nonam exorsus doctrinam poenarum explicare coepi. / Diebus 5, 7 [et] 8 De subiecto, fine, obiecto poenarum, de dispensatione et communicatione poenarum egi, quodque religio armis haud debeat propagari, ostendi. / Secutae sunt nundinae Brunsvicenses. / Diebus 18 [et] 19 De causis bellorum iniustis, de dubiis, de non temere etiam ex iustis causis, ut bellum geratur ab his, qui sub alieno sunt imperio, de dolis in bello licitis disserui. / Diebus 25 [et] 26 De represaliis, de bello solenni iuris gentium, de effectibus iuris gentium in bello solenni, seu de iure interficiendi hostes, considerato simul temperamento aequitatis, actum fuit. / [v] / Diebus 28 [et] 29 Licentiam vastandi eripiendique res hostiles, et quomodo temperamentum aequitatis hanc vastationis licentiam restringat, consideravi, simulque de iure acquirendi bello capta et aequitate in hoc iure observanda egi. / Mense Septembri / Diebus 1 [et] 2 Erat mercatus oppidanus. / Diebus 4 [et] 5 De iure in captivos et temperamento circa captos / Diebus 8 [et] 9 De imperio in cives et de temperamento circa acquisitionem imperii. / Diebus 11 [et] 12 De postlimino et temperamento circa ea, quae iure gentium postlimino carent. / Diebus 15 [et] 16 De iure neutralitatis, seu de his qui in bello medii sunt; de his quae in publico bello privatim fiunt, de fide inter hostes egi. / Diebus 18 [et] 19 De pacis pactione, arbitrio, deditione, obsidibus, induciis, commeatu, captivorum redemtione. / Diebus 22 [et] 23 De fide minorum potestatum in bello, de fide privata in bello. / Die 25 De fide tacita in bello, cum monitis ad fidem et pacem disserui, hasque in Culpisium praelectiones absolvi. / IN PROFESSIONE ELOQUENTIÆ / Mense August / Diebus 11, 12 [et] 14 Novas lectiones publicas auspicatus de eloquentiae sacrae natura indole disserui. / [11r] / Diebus 15, 18, 19 [et] 21 De praecipuis scriptoribus ad hanc doctrinam pertinentibus, veteribus recentioribus. / Diebus 25, 26, 28 [et] 29 De virtutibus, decoro, studiis oratoris sacri dicere coepi. / Mense Septembri / Diebus 1, 2, 4 [et] 5 In doctrina hac perrexi eamque absolvi. / Diebus 8, 9, 11 [et] 12 De elocutione oratoris sacri. / Diebus 15, 16, 18 [et] 19 De vitiis perspicuitati et ornatui sermonis oppositis egi. / Diebus 22, 23 [et] 25 Caput hoc ad finem perduxi, addidique nonnulla de memoria oratoris sacri. / Secutae sunt feriae Michaelitanae. / Hoc semesti in curriculo disputationum publicarum ad Grotium de iure B. ac P. tres habui; disputationem scilicet 9, 10 et 11 / J. C. Böhmer |