| Text |
MDCCIV / Mensibus / Octobris Novembris Decembris / In Politices professione / Mensis Octobris / Die 3 Novis in Monrambanum de statu imperii Germanici lectionibus in posterum habendis orationem praemisi auspicalem, cuius argumentum fuit: Bene niti in altum virtutis est, pervenire felicitatis. / Die 6 De variis praecipuisque iuris publici scriptoribus; et quinam fuerint termini Germaniae antiquae dixi. / Die 7 Regimen populorum veteris Germaniae, et controversiam, num Franci ad Germanos, an ad Gallos primam referant originem, expendi. / Die 9 Incrementa imperii Francici. / Die 10 Quo titulo Carolus Maximus diversas suas provincias possederit, ostendi. / Die 13 Quo statu Germania sub Carolo Maximo et Ludovico Pio, huiusque filiis fuerit. / Die 14 Quomdo imperium Romanum à Gothis sit occupatum, post Gothos quomodo orienti adhaeserit, et qua ratione inde avulsum, consideravi. / Diebus 16 [et] 17 Erat examen candidati Philosophiae privatum et publicum. / Die 20 Quid Carolus Maximus Imperatoris titulo acceperit, et quomodo Otto Maximus imperium Romanum cum Germania coniunxerit. / Die 21 Quinam ducantur status imperii, qualiter suffragia ferant, et quomodo probetur esse quem statum imperii. / [v] / Die 23 Quaenam familiae Austriacae origo, incrementa, privilegia sint ostendi. / Die 24 De familia Comitum Palatiorum Rheni et Ducum Bavariae, de ducibus Saxoniae et Marchionibus Brandenburgensis, disserui. / Die 27 Interfui Consistorio publico. / Die 28 De familiis Principum reliquis, quaenam sint, et in quas lineas dividantur, deque novis Principibus imperii à Ferdinando II. creatis. / Die 30 De Archiepiscopis, Episcopis, Praelatis, Comitibus ac Baronibus egi. / Die 31 Erat publica librorum quorundam distractio seu auctio. / Mensis Novembis / Diebus 3 [et] 4 De civitatibus imperii liberis, de equestris ordinis libertate ac iuribus, de divisione imperii in decem circulos. / Diebus 6 [et] 7 De Principibus Germaniae secularibus, Ducum et Comitum apud veteres Germanos officis, deque sub Carolo Maximus conditione sermonem habui. / Diebus 10 [et] 11 Erat promotio solennis in facultate Philosophica. / Diebus 13 [et] 14 Quaenam liberarum urbium in Germania origo, et quae tum in antiquo regno Francorum, tum in regno Germaniae ad imperium perveniendi modus fuerit, declaravi. / Diebus 17 [et] 18 Quomodo constituantur Electores Ecclesiastici, et quis electoris modus apud seculares ex praescripto A. B. sit obsevandus, docui. / } Diebus 20, 21 [et] 24 De iuribus Electorum, de Vicariis Imperatoris, tempore interregni, Rege Romanorum egi. / Die 25 Erat consistorium publicum. / [13r] / Diebus 27 [et] 28 De capitulationibus Caesrarum, et quo tempore, quaque de causa condi coeperint capitulationes, disserui. / Mense Decembri / Die 1 Quinam effectus sit capitulationum. / Diebus 2 [et] 4 Quomodo se habeat ius belli ac pacis in imperio. / Diebus 5, 8 [et] 9 Quomodo se habeat ius circa sacra, et qualiter circa bona. Ecclesiastica sit litigatum, donec pax religiosa iniretur, ostendi. / Diebus 11 [et] 12 De potestate legislatoria, de iudiciis Germaniae. / Diebus 15 [et] 16 De modernis Germanorum iudiciis, summisque tribunalibus. / } Diebus 18, 19, 22 [et] 23 De Austregarum origine et potestate, de camerae imperalis origine, deque iudicio aulico actum fuit. / In professione Eloquentiae / In publicis de eloquentia sacra, seu usu Rhetorices in sacris lectionibus perrecturus. / Mense Octobris / Diebus 9 [et] 10 Quantum decora Oratoris sacri actio vim habeat, ad docendum, delectandum, movendum, ostendi. / } Diebus 13, 14, 20 [et] 21 De pronunciatione eiusque virtutibus ac vitiis. / } Diebus 23, 24, 27, 28 [et] 30 De gestu Oratoris Sacri decoro disserui. / Mense Novembri / Diebus 3 [et] 4 Quidnam requiratur ad orationem moratam, ostendi. / } Diebus 7, 10, 11, 13 [et] 14 Mores iuvenum, virorum, senum etc ordine explicui. / Diebus 17 [et] 18 Quomodo quis in se ipso affectum excitare possit. / } Diebus 20, 21 [et] 24 Quomodo affectus tristis excitari, sedarique debeat, commonstravi. / [v] / } Diebus 25, 27 [et] 28 De misericordia, amore in Deum, proximum excitando, egi. / Mense Decembri / } Diebus 1, 2, 4, 5, 8, 9, 11 [et] 12 De timore Dei, humilitate, pudore, aemulatione disserui. / } Diebus 15, 16, 18 [et] 19 De reliquis affectibus excitandis aut sedandis actum fuit. / Secutae sunt feriae natalitie / Auctoritate et iussu Directoris Magnificentissimi die 26 Septembris orationem habui publico nomine, de Splendidissma victoria Hochstadiensi. / Edidi quoque hoc semestro disputationes publice de Coniugiis Principum è Status ratione initis, et laudationem funebrem Germanice scriptum honori et memoriae serenissima Augusti Fernandi Ducis Brandenburgensis et Luneburgensis in expugnatione castrorum Schellenbergicorum gloriosissime occumbentis. / In curiculo disputationum publicarum ad Grotium de iure B. ac P. quatuor ultimas habui, silicet 12, 13, 14, 15. J.C.Böhmer |