| Text |
Anno MDCCIV / Mensis December / Postquam Die 20 Novembris clementissimè demandatam Professionem iuris extraordinariam solenni oratione auspicatus sum, & edito peculiari Programmate futuri laboris rationem exposui: Die 5 Huius mensis publicam selectiorum Novellarum interpretationem exorsus de earum origine, usu & auctoritate nec non singulari prae caeteris iuris partibus difficultate, et inordinata compositione quaedam praefatus sum / Die 8 De variis Novellarum versionibus, edictionibus, et potissimis interpretibus egi et absolvi praecognita illa / Die 9 Aggressus sum Novellae 1 interpreationem, et occasione Praefationis eiusdem, quibus personis legitima debeatur item an, et quatenus haec liberis et parentibus iure naturae competat adeoque statutis tolli possit nec ne? Pluribus exposui / [v] / Die 11 Ex eiusdem Novella 1 Quaenam iure novissimo in heredem defuncti voluntatem adimplere recusantem constituta sint, excussi. / Die 12 Superaddidi ea quae de hoc argumento adhuc restabant, et annon hi Ordines successionum ob contumaciam heredum, qui in hoc capite eleganter sunt expressi, adhuc hodie usum habeant item an post hanc Novellae dispositionem destitutum testamentum dari possit ad toquidum [?] deduxi / Die 15 Ex capite 2 enucleavi casus illos eleganter in quibus iure novissimo detrectatio quartae Falcidiae cesset / Die 16 Progressus sum ad utilissimam materiam inventarii / Die 18 Continuavi insigne hoc argumentum / Die 19 Subiunxi duo illa, quae adhuc restabant, huius Novellae capita / [26r] / Die 20 Publicam disputationem ad Librum XVI,XVII,XVIII Digestorum habui. Reliquas lectiones intercipiebant Feriae Nativitatis Christi / Georgius Engelbrecht |