| Text |
Anno MDCCIV / Menses Octorbris, Novembris, Decembris/ Mense Octobri / Hoc mense iter in patriam mihi suscipiendum fuit, adeoque lectiones novas, Ethica characteristica absoluta, usque in proximum mensem differre coactus sum. / Mense Novembri / Die 6 Publico programmate proposito, lectiones novas ad domini Doctoris Eisenharti institutiones iuris Naturae typis hic denuo recussas auspicatus sum / Die 7 Prolegomena de instituto huius operis exposui / Die 10 Exorsus sum historiam iuris Naturae ut ad futuros labores eo relius [?] praepararentur auditores, quam eandem historiam adiungendo recentiores controversias ex hoc iure motas diebus sequentibus huius mensis continuavi et absolvi / Mense Decembri / Diebus 1, 2, 4, 5, 8 [et] 9 De vetustis interpretibus iuris Naturae de quibus capitulo primo Dominus authos [?] agit, disserui. / Diebus 11, 12, 15 [et] 16 Impendi praelectioni capitis secundi de recentoribus iuris Naturae interpretatoribus, ubi et Grotii, Hobbesii, Cumberlandi, et Puffendorfii potiores hypotheses recensui, ut et Pufendorfi excitatas controversias a Domini Valent. Alberti aliisque / [v] / Diebus 18 [et] 19 Meam de iuris Naturae sententiam commilitionibus exposui, et de controversia S. Puffendorfio decisa disserui: An detur peculiare ius Gentium positivum Naturali iuri contradistinctum. Sequebantur Festum Nativitatis Christi / Johann Wilhelm Engelbrecht |