| Text |
MENSE APRILI, MAIO, IUNIO / ANNI 1704 / Die 10 Quintum Decalogi Praeceptum exorsus sum, de Obligatione huius Legis disserui. / Die 11 Definitionem homicidii exposui addendo varias divisiones, ostendendo quid casuale quid culposum, quid dolosum sit Homicidium. / Diebus 14 [et] 15 Homicidium Dolosum, recte subdividi in simplex et qualificatum tradidi, et Homicidii qualificati species autocheiriam, parricidium, Latrocinium et Assassinium adieci. / Diebus 17 [et] 18 Homicidium et omittendo et committendo fieri ostendi, ubi tn. demonstratum, hoc praecepto prohiberi non quamvis Hominis occisionem, sed primario tantum illam, quae est Voluntaria, et iniusta, et uno nomine homicidium dici meretur. / Diebus 21 [et] 22 Secundario tn. etiam quamvis iniuriam et iniquam Laesionem et omnes Homicidii causas et Occasiones hoc praecepto interdici demonstravi. / Diebus 24, 25, 28 et 29 Leges alias in hoc Praecepto Latentes indicavi. / MENSE MAIO / Die 1 Erat Festum Ascensionis. / [v] / Die 2 Examinavi occasione quinti Praecepti quaest. Moralem An Magistratus dispensare possit in Poena Homicidii dolosi ut Homicidium pröereticum [?] poena capitali non afficiat? / Diebus 5 et 6 Alteram quaestionem excusi, an fur nocturnus effractor sine transgressione quinti decalogi praecepti privata Authoritate possit interfici. / Diebus 8 [et] 9 Sextum Praeceptum exorsus sum, et de fine huius praecepti disserui. / Die 11 et sequens Incidebat Festum Pentecostes. / Diebus 26, 27, 29 [et] 30 Ad sextum Decalogi Praeceptum spectatores virtutes et vitia tradidi. / MENSE IUNIO / Legem Decalogi septimam, octavam, nonam et decimam adieci finem hisce Laboribus publicis imponens. / Johann Wilhelm Engelbrecht |