| Text |
Continuatio praelectionum in Iohannes a Felden Artem Geometricam / MENSE OCTOBRI 1704 / Die 2 ♃ Secundum capitis septimi problema VII lineas, ovalem et lenticularem / } Die 3 ♀, Die 6 ☽ [et] Die 7 ♂ Secundum problema IX,X et sextam elliptecam, parabolicam et hyperbolicam ducendas commonstravi harumque ultimarum figuras in cono ligneo iisdem rationibus varie dissecto oculis auditorum exhibui / Die 9 ♃ Problemata XII, XIII divisiones linearum rectarum in partes quotcunque desideratas concernentia ut et XIV datis duabus lineis rectis tertiam proportionalem / Die 10 ♀ Problemate XVto tribus rectis quartam proportionalem; XVIto; duabus rectis mediam proportionalem inveniendi; problemate XVIImo: rectam datam extrema et media ratione secundi, absolvi / Die 13 ☽ Problemate XVIII commutationem linea circularis in rectam; XIX, XX, XXImo triangulorum, aqui lateris; aequicruri, et varii; / Die 14 ♂ Problemate XXII-XXV quadrati, oblongi rhombi et rhomboidis constructionem edocui / } Die 16 ♃, Die 17 ♀, Die 20 ☽ [et] Die 21 ♂ Post trapezii et trianguli, dato tali aequalis, delineationes problemate XXVI et XXVIImo, commutationes triangulorum, et quadrilaterorum dedi commonstratas problemate XXVIII-XXXVII / [v] / Die 23 ♃ Circuli vel arcus dati centrum problemate XXXVNI, XXXIX; punctum contractus duorum circulorum sese contingentium problemate XL fuit inventum [?] / Die 24 ♀ Problemate XLI et XLII contactus circulorum itidem concernentibus absolutis, angulorum rectorum citam delineationem problemate XLIII et circuli in 4 partes aequales divisionem problemate XLIV ostendi / } Die 27 ☽, Die 28 ♂, Die 30 ♃ [et] Die 31 ♀ Ob iter necessarium lectionibus vacare haud potui. Divisiones circuli indeque fluentes polygonorum inscriptiones problematum XLV-XLVII eorundem circumscriptiones, et super data linea descriptiones problemate XLIX absolvi / MENSE NOVEMBRI / } Die 3 ☽ [et] Die 4 ♂ Erat auctio publica, et / Die 6 ♃ Promotio in Facultate nostra philosophica / Die 7 ♀ Modo altero: Polygona super linea data describendi, problemate eodem XLIX exposito; mutationes multangulorum ordinatorum in triangula problemate Lmo / Die 10 ☽ In parallelogramma et quadrata problemate LI et LII commonstravi / Die 11 ♂ Multangulum in ordinatum in triangulum, parallelogrammum et quadratum fuit commutatum problemate LIIII quadratum vero artithmetice et Geometrice auctum problemate LIV / [93r] / Die 13 ♃ Dato circulo aequale triangulum problemate LV et quadratum problemate LVI fuit extructum, ubi simul de quadratura circuli conamina recentiorum celeberrimorum virorum fuere indicata / Die 14 ♀ Circulis pluribus unus aequalis fuit delinaetus problemate LVIImo, porro circulus varie auctus, problemate LVIIIvo imminutus problemate LIX conversus in semicirculum et contra problemate LXmo / } Die 17 ☽ [et] Die 18 ♂ Erat mercatus oppidanus, et / Die 20 ♃ Oratio inauguralis domini Profesoris Iurisdictionis Extraordinarii Engelbrechtii / Die 21 ♀ Parte post. caput primo definitiones in logistica Geometria occurrentes exposui / Die 24 ☽ Reliquis huius caput absolutis propositione primo et secunda minutiarum Geometricarum additionem et subtractionem; / Die 25 ♂ Earundem multiplicationem, divisionem propositionis III et IVta, minutiarum ut et scrupulorum reductionem propositionis V et VIta edocui / Die 27 ♃ Commonstrata secundum propositionem VIImam radicis quadratae extractione capitis II terminos in Trigonometria occurrentes explanavi / Die 28 ♀ Problemata tria, ut et Theoretica I praeparamenta pro solutionibus trigonometricis continentia fuere soluta / [93v] / Mense Decembri / Die 1 ☽ Ob consistorium publicum diutius protractum lectio publica fuit differenda / Die 2 ♂ In triangulis rectangulis, quomodo dato latere et angulis reliqua latera sint investiganda problemate IV fuit monstratum, subiuncto theoremate: posito latere uno circa rectum pro radio, alterum tangentis, hypothenusam vero secantis nomine venire / } Die 4 ♃, Die 5 ♀, Die 8 ☽ [et] Die 9 ♂ Suscepto denuo sontica de causa itinere in commentationibus publicis progredi haud potui / Die 11♃ Problemate quinto data basi cum acuto adiacente perpendiculum; et hoc cum adiacente acuto noto basin e contra investigavimus / Die 12 ♀ Problemate sexto hisce iterum datis, hypothenusam inquisivimus / Die 15 ☽ Problemate septimo datis lateribus hypothenusam; et problemate octavo latere et hypothenusam tertium determinavimus / Die 16 ♂ Problemate IXno data hypothenusa et latere, angulus lateri oppositus fuit inventus. Reliqui mensis huius dies negotiis Facultatis, candidatorumque philosophiae examinibus ut et sacris peragendis fuere dandi / Rudolphus Christianus Wagner |