| Text |
ANNO MDCCIX / Mense Ianuario / Ad publicas iurisprudentiae criminalis praelectiones reversus die 7 et 8 ex articulo 30, 31, 32. Constitutionis Carolina de semiplena probatione, indiciis ex inculpati vel etiam convicti nominatione sociorum criminis, atque confessione ipsius rei extra iudicium facta egi. / Diebus 10 et 11 Occasione articuli 33 et 34 indicia legitima homicidii tum clandestini, tum manifesti in rixa, tumultu et hominum concursu perpetrati ad liquidum deduxi, demonstrata simul purgationum vulgarium in specie iuris, uti vocant, fereti vanitate. / Die 14 Praelucente articulo 35 et 36 indicia infanticidii enulceavi. / Diebus 15 et 17 Ex articulo 37, 38, 39, 40 de indiciis veneficii, rapinae, sociorum et receptatorum furum atque praedonum disquisivi. / Diebus 18, 21, 22, 24 et 25 Ex articulo 41, 42, 43, 44 de indiciis incendii dolosi, proditionis furti et magiae disserui sub examen simul vocatis neotericorum nonnullorum de indiciis magiae sententiis. / [v] / Die 28 Occasione articuli 45 materiam de quaestionibus aggressus sum. / Die 31 Ex articulo 46 et 47 de seria interrogatione et comminatione rei ante torturam, atque defensione eidem permittenda egi. / Mense Februario / Die 1 Ex articulo 48 modum formandi articulos inquisitionis in delicto homicidii demonstravi. / Incidebant deinde nundinae Brunsvicenses. / Diebus 14, 15, 18 [et] 19 Quomodo ratione delicti proditionis, veneficii, incendii, magiae, imo cuiusvis generationis delicti interogationes a iudice fieri debeant, ex articulo 49, 50, 51, 52, 53 declaravi. / Die 21 Occasione articuli 54 et 55 de inquisitione indicatarum a reo circumstantiarum a iudice instituenda, et annon, si confessiones hae falsae confictaeque sint, tortura repeti possit, disputavi. / Die 22 Suggestionem a iudice evitandam esse, et quale sit eiusdem officium si tortus confessionem revocet, ex articulo 56 et 57 ostendi. / Diebus 25, 26 et 28 Ex articulo 58 et 59 gradus torturae, et quomodo infirmi, valetudinarii, et vitio corporis laborantes eidem subiici debeant, uberius persecutus sum, et / [17r] / simul exposito articulo 60 materiae quaestionum colophonem imposui. / Mense Martio / Die 1 Quomodo iudex procedere debeat, si reus in tortura delictum constanter negavit, et annon hoc casu accusator ad probandum admittendus sit, ex articulo 61 et 62 edocui. / Diebus 4, 5, 7, 8, 11, 12, 14 et 15 Articulos 63, 64, 65, 66, 67, 68, 70, 71, 72, 73, 74, 75, 76 De Festibus in materia criminali agentes explicui. / Diebus 18 [et] 19 Erat mercatus oppidanus. / Die 21 Annon reus de criminie convictus, neque tamen id ipsum fateri volens, absque tortura condemnari possit, ad ductum articuli 69 indagavi inculcata simul saluberrima constitutione ex articulo 77 de abbreviando processu criminali. Reliquos labores publicos intercipiebant hebdomas magna et feriae Resurrectionis Domini nostri Iesu Christi. / Habui etiam hoc trimesti Spatio disputationem publicam de Poena temere litigantium, officio iudicis, et publicis iudiciis. / Georgius Engelbrechtus |