| Text |
ANNO MDCCIX / Mense Iulio / Diebus 1, 4 et 5 De poena veneficii, infanticidii expositionis infantum, abacti partus, medicorum medicamentis aegrotum occidentium, et autocheiriae praelucentibus articulis Constitutionis Criminalis 130, 131, 132, 133, 134, 135 publicis praelectionibus egi. / Die 8 An actio de pauperie noxalis per articulos 136 et 150 sit sublata inquisivi, et simul poenam latronum, Sicariorum assassinorum ex articulo 137 derivari. / Diebus 9 et 11 Occasione articuli 138, 139, 140, 141, 142, 143, 144, 145, 146 de moderamine inculpatae tutelae et hominidiis casualibus disquisivi. / [v] / Die 12 De inspectione cadaveris et testimoniis medicorum et chirugorum ex articulo 147 et 149 egi. / Die 15 De homicidio in rixa facto aliisque homicidorum generibus in quibus nulla culpa admissa ex articulo 148, 150 et 151 disserui. / Die 16 De cautionibus reorum ad probationem exceptionis se se offerentium et favore defensionis ex articulo 153, 154, 155, 156 disputavi. / Diebus 18, 19, 22 [et] 23 Articulos 157, 158 et sequentes usque poenis agentes interpretatus sum. / Diebus 25, 26, 29 [et] 30 Articulum 176, 177, 178, 179, 180, 181, 182, 183, 184, 185, 186, 187, 188, 189, 190 ad liquidum deduxi. / Mensis Augustus / Diebus 1, 2, 5, 6, 8 [et] 9 Expositis iis qui adhuc super / [21r] / erant Constitutionis Carolinae articulis publicis iurisprudentiae Criminalis praelectionibus colophonem imposui. / Incidebant deinde nundinae Brunsvicenses. / Duas etiam Mense Augusto disputationes publicas habui, unam de iurisdictione alta et bassa, alteram ad Libros Pandectarum terribilis, et mense Septembri iterum aliam ad hos libros. / Georgius Engelbrechtus |