| Text |
MENSE IANUARIO FEBRUARIO MARTIO / Mense Ianuario post absolutas scholas iuris feudalis ad novas lectiones me praeparans. / MENSE FEBRUARIO / Die 27 Programma typis impressum publice proposui, eoque simul praelectiones novas ad Strykii introductionem praxeos forensis significavi. / MENSE MARTIO / Die 8 De notitia praecipuorum auctorum, qui de processu judiciario commentati sunt disserui. / [v] / Die 11 Monita quaedam generalia circa processum prudenter instituendum observanda exhibui. / Die 12 Ad caput primum Strykianae introductionis me converti et exposui actionem commodè eligendam, definitionem processus, simulque ex quo jure processus originem ducat addendo nonnulla de stylo curiae. / Die 14 De varia iudicii divisione, in civile et criminale de processu itidem criminali vel inquisitorio vel accusatorio egi. / Die 15 De iudicio civili, ordinario et summario, substantialibus processus, processu itidem executivo pleniorem expositionem tradidi. / Diebus 18 et 19 Erant nundinae oppidanae. / Die 21 Divisionem iudicii civilis in reale et personale, illiusque iterum in possessorium vel petitorium, possessorii a. in ordinarium et summarium prolixius persecutus sum. / Die 22 Egi de remedio provisionali et foro competenti. / Iohann Wilhelm Engelbrecht |