| Text |
MENSE APRILI MAIO IUNIO / MENSE APRILI / Diebus 12, 15 et 16 Ad caput secundum Strykianae introductionis ad Praxin forensem progressus sum de remediis sopiendi litem ante motum processum disserui, qua occasione exposita materia de arbitris, interpellatione extra-judiciali responsis prudentum et Commissariis eorumque officio. / Diebus 18 [et] 19 De supplicatione pro impetrando processu tum et mandato cum et sine clausula ad ductum capitis tertii pleniorem tractationem institui. / Diebus 22 [et] 23 Caput 4tum de citatione illiusque varia divisione explanavi. / Diebus 25, 26, 29 [et] 30 Tradidi caput 5tum de remediis reo competentibus vel provocandi actorem ad agendum vel declinandi iudicium, ubi simul actum de practica famosa liber si contendat 28 ff. de Fideiussoribus et liber diffamari 5 de ingen. manumissis et quomodo processus hic instituatur. / [v] / MENSE MAIO / Die 2 De contumaciae accusatione et coercenda contumacia ad caput VItum disserui. / Diebus 3, 6 [et] 7 Caput septimum ingressus de Libello variisque illius clausulis et utilibus et necessariis pleniorem expositionem suscepi ubi simul dictum de efficacia ita vulgo dictae clausulae salutaris. / Die 9 Erat Festum Inscensionis dominicae. / Diebus 10, 13 et 14 Caput IIXtum de dilationibus et feriis interpretatus sum. / Diebus 16 [et] 17 Caput IXmun de exceptionibus dilatoriis exposui sequebantur feriae Pentecostales. / MENSE IUNIO / Diebus 3 et 4 Ad caput Xmum de Mandato plenius disserui. / Diebus 6 et 7 De cautione in iudicio praestanda occasione capitis XImi. / Diebus 10, 11 et 13 Ad ductum caput XIImi egi de iuramento calumniae et malitiae. / Die 14 Caput XIII aggressus, tractationem de transferenda lite in alium, denunciatione litis ut et interventione suscepi. / Die 17 Erat disputatio iuridica inauguralis. / Diebus 18, 20 et 21 Caput XIVtum de reconventione prolixius excussi. / Die 24 Erat festum Iohannis Baptistae. / Die 25 Egi de litis contestatione et exceptione et exceptionibus peremtoriis ad ductum capitis XVti et XVIti. / Diebus 27 [et] 28 De probationibus in genere occasione capitis XVII disserui. / Iohann Wilhelm Engelbrecht |