| Text |
Mense Martio Anno 1658 / Cum partim ob studiosorum raritatem, partim ob frigus prope modum intolerabile ad intermissas aliquamdiu lectiones publicas prius redire non licuerit, earum iterum feci initium die huius mensis 15 adeoque coepi proponere doctrinam de Passione Morte et satisfactione servatoris nostri Iesu Christi quam operam porro continuavi diebus 16, 18, 19, 22, 23, 26, 29 et 30. Ob festum vero Annunciationis Mariae dici solitum quod in die 25 incidebat prohibitus sum isto die facere officium. / Balthasar Cellarius doctor |