Rechenschaftsbericht

Autor	Prof. Hermann Conring (Medizinische Fakultät)
Zeitraum	27.09.1658–23.12.1658
Text	Hermanus Conringius pro tempore ProRector cum 27 Septembris Tertium caput Miachiavelli absolvissem, vicesimum octavum diem impendi conscribendo Programmati in proximas ferias Michaelis Archangeli Tricesimo eiusdem mensis caput quartum exorsus statis horis perrexi, ut undecimo Octobris finem illi capiti impossuerim. Duodecimus et decimus quartus Tentamini et Examini privato Candidati Artis medicae datus. Decimus quintus sacer fuit natalibus feriis Academiae. Decimo octavo aggressus sum caput V. inque eo horis statis perrexi, ut absolverim IX Novembris. Interea tamen temporis Academiae bono abfui domo Schoeningae vicesimo quinto, Wolfenbutteli a vicesimo septimo in tricesimum usque: et negotiis Academiae impensus dies vicesimus sextus Octobris et primus Novembris. Habita etiam est quarto Novembris Disputatio inauguralis Medica. Undecimo Novembris incepi caput sextum: Sed duodecimo heboningae iterum abfui Academiae causa. Decimoquinto Electio novi Vicerectoris, et decimo sexto Disputatio inauguralis est instituta. Perrexi die decimo octavo et decimo nono. A vicesimo secundo autem Novembris integra Septinmana est feriatum propter Auctionem librorum. A vicesimo nono in sextum Decembris statis horis perrexi. Tunc vero frigus intensum me per triduum coegit abrumpere lectiones. Decimo tertio habita est Disputatio inauguralis. A decimo quarto autem usque ad 23 Decembris ita perrexi, ut isto die absolverim sextum illud Machiavelli caput quod est de Principatu virtute atque armis parto conservando. Vicesimo quarto conscripsi Programma in Natalem Domini sequentis diei. / Hermanus Conringius.
Quelle	37 Alt 2491, Fol. 17