| Text |
Anno MDCLIIX / Mense Octobri / Post auctumales ferias in lectionibus historicis perexi die huius mensis XIV et ad annum 1513. De Iulii II Pontificis obitu, electoque Leone X: de iterata Gallorum in ducatum Mediolanensem expeditione, Novariensi illorum Helvetiis accepta clade redituque egi. / Die XV Natalis Academiae fuit celebratus / [Diebus] XVIII., XIX., XXI Ad eundem annum 1513. Henrici VIII. Angliae regis bellum cum Ludovico Galliae rege, et pacem postea inter eos factam ad annum 1514 bellum a Georgio Saxoniae duce Frisiis illatum: Ad 1515 Galliae regis Ludovici XII obitum, et Francisci I. sucessoris victoriam ab Helvetiis reportatam, receptumque ab eo ducatum Mediolanensem: Maximiliani Imperatoris et Regum Hungariae Poloniaeque Viennae habitum conventum, et Austriacae familiae in Hungariae ac Bohaemiae regna succedeni iura: Ad 1516 Ferdinandi Catholici Regis Hispaniae excessum, Maximiliani irritam adversus Mediolanum expeditionem: denique pacem inter hunc et Gallos Venetosque sancitum exposui. / [Diebus] XXII, XXV et XXVI Ad annum 1517. De Selimi Turcarum Imperatoris parricidiis, de Ottomannica in universum familia et eius a prima origine incrementis: De Tunizeris [?] ab Amurate institutis eorumque [nachträglich eingefügt über der laufenden Zeile: ad belli usus educandorum exercendorumque] ratione: de Persica Selim expeditione; de Mamaluchis, et eorum per Syriam Ægyptumque imperio, a Selimo everso, verba feci. / Christianus Eberhart. |