| Text |
Anno MDCLIIX / Mense Augusto et Septembri / Die II ac III Augusti Vinto item, IX ac X de foedere Cameraci Anno 1508 inter Maximilianum Imperatorem Ludovicum Galliae et Ferdinandum Hispaniae reges ac Iulium Pontificem contra Venetos isto; eius conditionibus, et quoad singulos foederatos causis ac praetextibus: de bello Venetis anno 1509 a rege Galliae illato: pacis conditionibus a Venetis Maximiliano oblatis: huius et caeteroroum sociorum rebus gestis, obsessoque ab eo Patavio, tractavi. / Dies V et XII Uxoris morbo deuno ereptus cumque eodem die mors illius esset secuta, animus plane conturbatus et ipsa corporis valetudo iuctus violentia graviter concussa, per reliquum huius mensis et Septembris maiorem partem officio fungi ut volebam [?], haud permisserunt. / XXo et XXI Septembris lectiones superiores continuaturus, ad annum 1510 et 1511 Iulii II Pontificis consilia contra Galliae regem et res bello gestas: Concilii Porsani contra eundem Galliae regis opera, indicti occasionem ac progressus, eiusque oppositum a Iulio, Lateranense foedus inter Pontificem et plerosque Europa reges contra Gallum: XXIV. et XXVII. Gallorum anno 1512 contra Pontificium Hispanicumque exercitum victoriam: illorum ex Italia fugam et in Galliam reditum: Maximilianum Sfortiam patrem Ducatui restitutum, Navarraeque regem a Ferdinando Catholico, regno suo expulsum: denique Comitiorum Coloniae [v] celebratorum decreta varia et inprimis Germanicum Imperium in circulos distributum, huiusque rei causas, enarravi. XXIII ob disputationem Inauguralem Iuridicam et XXIIX ob instans festum lectiones distuli. / Christianus Eberhart. |