| Text |
Anno MDCLIIX / Mense Iulio / Primo et Vto huius mensis ob nimium aestum valetudini adversum in lectionibus progredi haud potui. / Vito, VIII et IX in historia annorum 1500 et 1501. Egi de Comitiis Augustae priore illo anno habitis, Senatu quodam Imperii constituto, ac Camerae iudicio restaurato, variisque aliisque ibidem decretis: De Iubilaeo etiam a Pontificibus Romanum celebrari solito: De regni Neapolitani inter reges Hispaniae Galliaeque, expulso Friderico Aragonio, divisione: De Philippi Austriaci iure in regna Castiliae, aliisque ad illos annos pertinentibus. / Diem XIImum et XIII. Nundinae feriatos fecere. / XVto, XVI, XIX [et] XX Ad annos 1502, 1503, 1504, 1505, 1506 De bello inter Hispanos Gallosque ob regni Neapol. divisionem orto, hisque per Consalvum inde expulsis: de Alexandro VI. Pontifice, veneno quod filius aliis paraverat, extincto, et electo Iulio II: De bello Bavarico, a Caesare Maximiliano et princibus aliis contra Philippum ac Rupertum Palatinos gesto: de Isabella reginae Castiliae obitu, regnoque a Philippo Austricaco occupato: de eiusdem quoque obitu et Ferdinandi Soceri ex Italia in Castiliam reditu: XXIX (Cum per dies intermedios gravissimus uxoris morbus me detinuisset) et XXX de /[v]/ Comitiis Constantiae Anno 1507 celebratis Camerae iudicio denuo instaurato: Genua a Rege Galliae debellata, aliisque anno isto gestis disserui. / Christianus Eberhart |