| Text |
Anno MDCLIIX / Mense Iunio / Post ferias Pentecostes redii ad lectiones publicas die huius mensis X. quo ut et XII. resulitis atque explicatis nonnullis ex superioribus, historiam anni 1496 in eaque de bello Florentinorum et Pisanorum: ac Maximiliani Imperatoris prima in Italiam expeditione: Ultimis Neapolit. e familia Aragonica regibus: Philipii Austriaci cum Iohanna Hispanica matrimoniis, eiusque occasione Hispanicis regnis ad Austriacam familiam devolutis explicavi. / Die XIV et XV Ob examen privatum Candidatorum pergere non potui. / Die XVII, XIIX, XXI, XXII et XXIIX Historiam annorum 1497, 1498 et 1499 In eaque Caroli VIII. Gall. R. obitum et Ludovici XII. successoris ius in ducatum Mediol. foedus eius cum Venetis et Pontifice: Maximiliani cum Helvetiis et Ludovici Gall. R. cum Lud. Sfortia bellum gestum exposui / Die XXV Examen publice candidatorum, et XXIX actus promotionis eorundem publicus, lectiones impediverunt. / Christianus Eberhart. |