Rechenschaftsbericht

Autor	Prof. Heinrich Binnius (Juristische Fakultät)
Zeitraum	03.01.1659–01.04.1659
Text	Ratio Lectionum et Disputationum mearum a festo Nativitatis MDCLIX usque ad festum Paschae in Academia Iulia habitarum / Ianuarius / Finitis feriis, die III. Ianuarii ad Titulum VI Libri IV. Institutionum Imperialium auspicatus sum insignem Iuris nostri materiam de Actionibus et proposui eam maxime quo ad Theoriam ex tractatu Bachovii de Actionibus quo ad praxin vero ex Oldendorpio et Schnedell / A dicto die II. usque ad diem XXII. huius mensis nullam lectionem intermisi / Propter dicasterium Guelphicum a die XXV. usque ad diem XXIX. legere non potui: quatuor autem illas lectiones priori septimana horis extraordinariis compensavi / [2v] / Februarius / Die primo huius mensis ad § XXIIX. Tituli de Actionibus incepi agere de illa actionum divisione, qua dividuntur in Bonae fidei et stricti Iuris / A dicto die primo usque ad diem XXI. nullam lectionem intermisi. / Die XX. in gravem incidi morbum propter quem reliquis huius mensis diebus legere non potui. / Die XIX. publice disputavi de mortis causa donationibus / [3r] / Martius / Restitutus mediocri valetudini die XXI. publicos labores iterum sum aggressus et absolvi materiam de actionibus, egi quoque ad Titulum VII. quae in parentes, dominosve daris solent. / Finitis feriis, operam dabo, ut quae propter morbum sunt intermissa horis extraordinariis compensentur / Die primo Aprilis MDCLIX / Henricus Binnius Doctor
Quelle	37 Alt 2492; 37 Alt 204, H.2, fol.2-3; 127-128