| Text |
Henrici Binni, D. Criminalium et Institutionum, Professor Publicus docuit a festo Paschae usque ad festum Iohannis Baptistae / MDCLIX / Mense Aprili / Peractis Paschalis feriis die XII huius mensis publicos iterum aggressus est labores, et quae in libro IV. Institutionum Imperialium tum adhuc restabant Titulos XI, XII, XIII, XIV. Satisfationibus, de Perpetuis et temporalibus lectionibus item de Exceptionibus et Replicationibus publice proposuit. Propter negotia Academica, duas tantum lectiones intermissit. / Mense Maio / Die secundo Maii coepit agere ad Titulum XV de Interdictis / Quam materiam absolvit die XI huius mensis de poenae porro litigantium egit / die XIII et XIV ad Titulum XVI. de Officio iudicis docuit ad Titulum XVII / die XVI. et ita iuxta praescriptum Serenissimum intra annum proximum loco cum Deo ad finem iterum perduxit Collegium Institutionum Imperialium / Die XIX huius mensis novum auspicatus est collegium Institutionum / Et primo et genere egit de studio Iuris recte / [v] / instituendo / Secundo de Requisitis idonei Auditoris / Tertio ex quibus fontibus studium illud recte petatur. Quae generalia cum fine huius mensis absolvit / Propter negotia Academia et Disputationes inaugurales, unam atque alteram lectionem intermisit, quas tamen diebus ferialibus compensavit, ut testabuntur Auditores. / Mense Iunio / Propter dicasterium Guelphicum die XXXI Maii, die I, II, III et IV huius mensis Iunii publice non docuit, qui autem diebus illis intermissa sunt propter illam absentiam domum reversus horis extraordinariis compensavit. / Die VI huius mensis coepit agere de Natura et Principiis Iurisprudentiae / Cuius materiae tractationem ad finem perduxit die XVII huius mensis. / Die XX usque ad finem huius mensis egit de divisione Personarum ex primo statu. Lectionem in hoc mense nullam intermisit. Et hoc hactenus in collegio Institutionum publico horis studio. / Horis porro successivis egit quoque de Iure Criminali diebus maxime ferialibus, Mercurii scilicet et Saturni; / et ad ductum Constitutionis Carolinae primum egit de Processu /5r/ Criminali, ubi initio quidem egit de Iudice causarum Criminalium quis et qualis ille esse debet. / Deinde visum fuit processus vel per Accusationem vel per Inquisitionem quam infertum [?] fundat denunciatio. Actum quoque fuit de Captura et quomodo illa recte fiat, nec non de ipso Carcere, et qualis ille esse debeat. Actum porro est, quomodo probetur delictum eius, qui jam est in carcere 1) per Confessionem propriam, 2.) per Testes, 3.) per Torturam, qua occasione actum quoque fuit de Tortura, eius Indiciis et Effectu, nec non qui torqueri possit vel non et quomodo. Tortura fiat iuxta Legum praecepta. / Scribebam ipsis Kalendis Iulii. MDCLIX / Henricus Binnius Doctor manu propria |