Rechenschaftsbericht

Autor	Prof. Hermann Conring (Medizinische Fakultät)
Zeitraum	01.07.1659–28.09.1659
Text	Iulius / Cum mense Iunio absolvissem Animadversiones in Principem Machiavelli, in eo eram quidem ut statim aggrederer denuo librum de civili prudentia quem perficiendum iusserat Serenissimus Director, sed hunc mensum a die XIV usque ad tricesimum, consensu Serenissimi Directoris, impendere deducendo funeri Illustrissimae matris aliisque negotiis coegerunt me iussa Celebrissimi Ostfrisiae Principis / Sed et iam ante interceperat diem quintum Mutatio Vicerectoratus, ut undecimum et duodecimum Nundinae. Disputatio tamen inauguralis medica de Scorbuto me Praeside habita est a Candidato Artis Iulio Georgio Behrens / [v] / Augustus / Die quarto huius mensis de Melancholia disputatio publica inauguralis ab Artis Medicae Candidato Nicolas du Mont est instituta. Vicesimus quartus et quintus fuit solemnis Honoribus Doctoralibus et nuptiis / Doctoris Enochi Glaseri Extraordinarii Iuris Professoris / Reliquum omne tempus fere ereptum mihi est occupationibus domesticis proxime imminentium nuptiarum filiae meae / [26r] / September / Etiam hic mensis fere elapsus est Nuptiis filiae et hinc enatis perpetuis domesticis negociis. Disputavi tamen die tertio Respondente Henrico Meibomio de Incubatione in sanis Deorum Medicinae causa facta / et simulat cum filia gener discessit, vicesimo sexto die publice interpretari iterum caepi quae antehac edidi de Civili prudentia, statis diebus strenue pergens nisi quod vicesimus nonus fuerit festus Michaeli Archangelo / Vicesimo octavo autem examini publico subieci caput II Machiavelli de Principe et meas ad caput illud Animadversiones Respondente Gustavo Rasche / Hermannus Conringus manu propria
Quelle	37 Alt 2492, fol.25-26