Rechenschaftsbericht

Autor	Prof. Hermann Conring (Medizinische Fakultät)
Zeitraum	30.09.1659–30.11.1659
Text	Anno MDCLIX / Mensis Octobris statis diebus perrexi docere naturam civilis prudentiae, eiusque a reliquis vicinis doctrinis differentiam / Undecimum tamen Nuptiis amici / decimum tertium Promotioni Doctorali a Collegio Iuridico instituae / et quartum decimum curandae valetudini impendere sum coactus / [v] / Mensis Novembris diebus constitutis perrexi in eodem argumento de civili prudentia, agens de modis illius parandae per experientiam / idque ad diem usque vicesimum tertium / cum tertio post die quo pergendum erat cadaver in usum Anatomicum advenisset / Eripuit tamen et hoc mense publicis lectionibus diem tertium minus proba valetudo, et decimum Disputatio inauguralis Medica quam me Praeside de Incantationis circa morbos efficacia habuit Henricus Anton Heintze / Disputavi vero et die quinto de Foederibus / [28r] Decembris initia occuparunt studia publica Anatomica: eaque excipiens Disputatio inauguralis de Peste Theophili Matthaei me Praeside habita: ut et eiusdem in Doctorum numerum Promotio me Decano instituta / Die etiam decimo quinto Candidatus Artis Medicae Ioannes Wilhelmus Berkelmannus fuit domi meae examinatus / Intervenere et alia negotia sontica, quae cessare lectionibus publicis me iusserunt / Hermannus Conringus manu propria.
Quelle	37 Alt 2492; 37 Alt 204, H.2, fol. 27-28; 134-135