| Text |
Anno MDCLIX/ Mense Augusto / Imo et II huius mensis in historia anni 1546 de belli Smalcaldici progressu ac rebus eo gestis: de disoluto foederatorum exercitu et principibus ac civitatibus superioris Germaniae Caesari supplicibus factis / IVto disputatione inaugurale Medica impeditus / Vto IIX et XI ad anno 1547 de Hermanno Archiepiscopo Coloniensi ob mutatam religionem deposito, de bello in Saxoniam translato, capto Iohanne Friderico Saxone, Philippo Hasso in custodia detento ac profligato a foederatis Erico Brunsvicensi, Bohaemis a Ferdinando domitis et punitis ac belli Magdeburgici postea exorti causis egi / XII fuit Disputatio Inauguralis Iuridica / Per sequentes aliquot dies domestico luctu domi detentus / XXVto de duorum regum Henrici Angli et Francisci Galli excessu eorumque successoribus de nova religionis per Angliam mutatione facta, aliisque nonnullis dixi / XXVItum iterum Disputatio Inauguralis Iuridica exemit ut et XXXum promotio Doctoralis / XXIX de concilii Tridentini nonnullis sessionibus et eodem Bononiam translato, de Comitiis Augustanis, Caesarisque quo omnes concilii decretis se subiicere iubebantur, decreto, ac ut Pontifex illud Tridentum revocaret, postulato docui / Christianus Eberhart |