| Text |
Anno MDCLIX/ Mense Septembri / I et II ad annum 1548 de protestatione Caesaris contra conventum Bononiensem: de libro Interim proposito et quibusdam eam recipere coactis: de Polonici legati actione in comitiis pro Prussiae dominio ac Mauritii Electoris inauguratione / post Vtum et VI ob nundinas feriatos / IIX et IX de mutationibus ac persecutionibus ob librum Interim exortis, Magdeburgo et Constantia proscriptis, Mauritii Electoris et Theologorum eius actis in causa religionis et Adiaphoristico certamine, de horribili Franc. Spierae casu Vergerio ad Evangelicos transeunta, ac missa per Angliam abrogata exposui / XII et XIII gravi negotio domestico impeditus / XVto, XVI, XIX, XX, XXII, ad annum 1549 iterum de Adiaphoristico certamine et Pauli III. Pontificis obitu, ad annum 1550 de Iulio III. electo ac Iubilaeo ab eo celebrato, de comitiis Augustae indictis, et edicto Caesaris in Lutheranos in Belgio proposito ac decreto in comitiis de religione facto: de Magdeburgensium clade et obsidionis initio, de contentione inter Caesarem et fratrem Ferdinandum ob successionem in Imperio, de pace inter Gallos et Anglos ac bello Caesaris in Africa, deque variis principum pro Landgravio captivo intercessionibus et actionibus dictata explicavi / XXVI et XXVII ad annum 1551 de concilio Tridentino a novo Pontifice instaurato et publica fide protestantibus ad id accessuris a Caesare et deinde a patribus data: de Osiandris cer- [v] tamine: de belli Parmensis causis et initio: de Galliae regis contra concilium protestatione et huius aliquot decretis: de protestantium quorundam ad concilium legatis, Mauritii de bello Caesari inferendo consilio ac pace Magdeburgensibus data egi / Christianus Eberhart |