| Text |
Anno MDCLIX / Mense Octobri / finitis feriis Auctumnalibus cum aliquot praeterea dies necessaria quadam negotia ac festum Academiae, [nachträglich Hinzufügung:] actus item promotio in Facultate Iuridica occupassent, ad lectiones historicas redii die huius mensis XX. et illis per sequentas dies XXI, XXIV, XXV, XXVII, XXIIX, XXXI continuatis, historiam anni 1552 de concilii Tridentini adhuc continuati et legatorum ac Theologorum Protestantium eo missorum actionibus ac patrum ob imminens Saxonicum bellum, fuga, de Mauritiani belli causis, principum ob id foederibus et consiliis; de eiusdem belli apparatu, initio ac progressu, Caesaris fuga ac pace Passaviensi eiusque capitibus: de Meti aliisque oppidis a Galliae rege captis, Caesaris ad illam recuperandam irrita expeditione ac belli denique Albertini initio, ad annum 1553 eiusdem ab Alberto moti belli historiam, praelium Sievershusanum et alia id secuta. Augusti Electoris quaedam facta, et Servannam a Caesare expugnatam atque eversam enarravi / Christianus Eberhart |