| Text |
Anno MDCLIX / Mense Novembri / I, III et IV huius mensis ad annum 1553 De Maria Anglica post Edvardi fratris obitum regno potita: procerum ibi suppliciis et Pontificia religione instaurata: de Senensi bello; Turcica classe cum Gallica coniuncta, ac Mustapha a patre Solymmanno interfecto, ad annum 1554 de transactione inter Augustum et Iohannum Fridericum Saxoniae Electores, Alberto denuo a Camera et Caesare proscripto atque e Germania expulso, continuatis in Anglia procerum suppliciis, Mariae reginae cum Philippo Hispaniae rege nuptiis exposui / Die VII et VIII catarrho et dentium dolore ac / X Disputatione Inaugurale Medica inpeditus XI ad eundem annum 1554 de Anglis a Polo Cardinale in Romanae Ecclesiae societatem receptis atque Orthodoxis supplicio affectis, ad annum 1555 de pace religionis in Augustis Comitiis confirmata de haereditario inter Saxonicam, Brandenburgicam atque Hassicam familiam foedere renovato egi / XIV et XV fuere nundinae / XVII, XIIX, XXI et XXIV de electo post Iulii III ac Marcelli II Pontificum obitum Paulo IV de senis Caesari deditis ac sequentibus annis Cosmo Florentino concessis, de foedere a Pontifice et eius propinquis Carafis cum Galliae rege facto, regnis ac imperio a Caesare depositis, ad annum 1550 de utraque Sacramenti specie Austriae et Bavariae provincialibus a principibus eorum concessa, de religionis per Palatinatum Rheni Marchionatum Badensen ac Spirae emendatione facta: Henrici Brunsvicensis cum Sophia Polona nuptiis: Caesaris et / [v] / Philippi cum Gallo factis induciis et ab hoc iterum Pontificis impulsu ruptis, Albani ducis in Latio rebus gestis, Caesaris in Hispaniam abitu, et continuatis Orthodoxorum in Anglia suppliciis dictata explanavi / Per reliquos huius mensis dies Anatomiae exercitium auditores avocavit / Christianus Eberhart |