| Text |
Anno MDCLIX / Mense Decembri / Cum 1um huius mensis Anatomicum exercitium / IIum Disputatio Inauguralis Medica / VI actus promotionis in Facultate Medica exemissent, nec solo Vto interposito pergere esset commodum, / ad lectiones redii die IIX quo et IX. ad annum 1557 colloquium Wormatiense irrito successu institutum, Guissi et Albani Ducum in Italia res gestas, et Gallorum ad Sancti Quintini cladem: Moschici belli in Livonia causas occasionesque proposui / XII Tabellario in patriam ablegandi et literis pluribus eo scribendis impeditus, XIII, XV, XVI, XIX, XX ad annum 1558 de Moschici belli initiis ac progressu, de Imperio a Carolo Caesare per legatos in Francofurt, comitiis deposito et praescripta Ferdinando capitulationis formula, Caleto a Guisio Anglis adempto et nova Gallorum in Flandria clade: de Caroli Caesaris et duarum eius sororum ac nurus Mariae Anglicanae, succedente huic sorore Elisabetha, obitu ad annum 1559 de Ditmarsis a Daniae rege et Holsatiae Ducibus debellatis, comitiorum Augustanorum actis, pace inter Philippum et Gallos facta, illiusque in Hispaniam abitu et Orthodoxorum ibi suppliciis, Christiani III. et Christiani II Daniae, ac Henrici II. Galliae regum, Pauli IV. Pontificis et aliorum principum excessu, ac Pio IV. Pontifice electo: de mutationibus in Gallia sub novo rege Francisco II. ortis, religione in Anglia ab Elisabetha denuo mu- / [v] tata belloque in Livornia a Moschis continuato dixi. XXII. et XXIII. Geographicas lectiones privatas, ad quas tamen quosvis id petentes, gratis admisi ac publice me audientes etiam ultra invitavi urgentibus auditoribus, hora, qua publice alias doceo, cum alia non vacaret, habui. Sequentes dies festum Natalitium fecit feriatos / Christianus Eberhart |