| Text |
Elapso trimestri Mensibus Octobri, Novembri et Decembri anni 1751 / In horis theologicis publice animadversionibus exegeticis explicavi vaticinia Michae, in quorum recensione perveni ad Caput V. Privatim historiam prophetarum iuxta Chronologiam enarrare ac illustrare non intermisi. / In philologicis lectionibus, iisque publicis, librum geneseos philologico-analytice exposui, usque ad Caput XXIV. / Horis autem privatis, cursorie, ut vocant, absolvi librum Psalmorum, et pericopas evangelicas ex versione Syriaca recensui et explicui. / Anton Iulius von der Hardt. |