| Text |
Ioannes Eichel Pandectorum Professor Publicus / Mense Ianuario / Anni MDCLIX / VIImo huius auspicatus sum libro VII digestorum de Rei Vindicatione & quoniam auditores me rogabant, ut plures horas quae consultus impendere non gravares [?] plerisque diebus in gratiam auditorum binas lectiones publicas habui, unam hora septima matutina, / alteram V. hora Va pomeridiana: quis etiam addidi dies Mercurii & Sabbathi, ut eo celerius in Vasto opere progredi liceret. Absolvi vero hoc mense libro VI & VII digestorum, XXIV huius profectus sum ad iudicium aulicum Guelpherbytanium / Mense Februario / Ipsis huius mensis Kalendis inchoavi libro IIX. digestorum & ea assiduitate, qua in priori mense usus eram, perrexi & libros IIX, IX, X, XII integros, in XII vero Titulos priores III absolvi & in IV. de Condictione, causa data causa non secuta, substiti / [v] / Mense Martio / Ipsis Kalendis in Titulos IV libri XII Digestorum de condictione causa data, causa non secuta, eadem ratione perrexi & binis horis de die impensis totam praedictionum materiam, quae se in libro XIII extendit, una cum libro XIII, XIV, & XV absolvi, & in libri XVII. Titulo ad Senatum Velleianum substiti / XXI. huius ad Iudicium aulicum Guelferbytanum profectus sum / Reliquum tempus huius mensis sancta septimana Festum Paschatos occupavit. |