Portrait von Rudolf Christian Wagner

Quelle: HAB, Portraitsammlung, A 23167

Prof. Rudolf Christian Wagner

Fakultät: Philosophische Fakultät

Biographische Information:
Phil. ao. u. o. Prof. d. Mathematik und Physik in Helmstedt (1701 bzw. 1705/06–1741)

Quelle: Ahrens 2004, S. 241 f.

Weitere Informationen  

Lehrstühle

1701–1741: Universität Helmstedt, Philosophische Fakultät, ao. Lehrstuhl für Mathematik / Physik

Akademische Ämter

1709–1710: Universität Helmstedt, Prorektor

1717–1718: Universität Helmstedt, Prorektor

1725–1726: Universität Helmstedt, Prorektor

1731–1731: Universität Helmstedt, Prorektor

Außeruniversitäre Ämter

1697–1700: Privatsekretär v. G. W. Leibniz in Hannover

Vorlesungen (144)

Sommersemester 1702: Rudolphus Christianus Wagner, Mathem. Prof. Publ. & Ord. de systematibus corporum mundanorum doctrinae, quam in praelectionibus publicis usque huc dedit explicatam, propediem finem imponet. Cum XXVto mensis Maji conjunctio Saturni & Jovis, quam in scholis suis magnam astronomi vocant, sit futura; occasione hujus argumentum de conjunctionibus in genere pertractabit. [...] Docet hora VIIma matutina. (Lectio publica, Philosophische Fakultät)

Sommersemester 1702: [...] Privatim vero absolutis commentationibus Geometricis, Geographicis & astrognosticis, disciplinas mathematicas denuo ordine concinno proponet, non defuturus quoque iis, qui seorsim vel Geographica, Optica atque alia ejus generis exercitia, vel themata porro pertierint publice ventilanda. (Lectio privata, Philosophische Fakultät)

Wintersemester 1704/1705: Rvdolphvs Christianvs Wagner in praelectionibus publicis Celeb.mi Feldeni Artem Geometricam explicat. Iisdem finitis, cum hyemale tempus astronomicis magis faveat exercitiis, auditores ad haec ipsa praeparaturus, Compendium doctrinae Sphaericae ejusdem autoris studiosis explanabit. [...] Docet publice hora Ima. (Lectio publica, Philosophische Fakultät)

Wintersemester 1704/1705: [...] Privatim quemadmodum distinctis horis in exponendis Geometricis, Geographicis, ut et Architecturae militaris praeceptis est occupatus, ita etiam juxta Architectonicas institutiones, Physicas quas anno abhinc habuit, quasque iterum flagitant commilitones, iisdem aperiet scholas, atque hujus scientiae dogmata, ex vertum aeque ac modernorum placitis depromta, iisdem perspicue proponet, experimentisque, hinc inde instituendis, dicenda denuo confirmabit; perinde ac argumento, quod in praesenti prelum experitur, de convolvulorum gyris mathematico-physico, alia utilia non minus, quam curiosa subjunget, atque in publicum evulgabit. (Lectio privata, Philosophische Fakultät)

Sommersemester 1707: Rvdolphvs Christianvs VVagner, Math. & Phys. Prof. Ordin. in Arithmetica vulgari Praxeos, ita dictae, Italicae fundamenta proponet. In Algebraicis autem operationibus, post extractionem radicum ex binomiis, ad praecepta, de reducendis aequationibus, nuper fecit progressum. His perceptis ipsam problematum constructionem aggredietur, usumque thesium, hactenus calamo exceptarum, in exemplorum analyticorum, per singuala aequationum genera, solutione C. D. commonstrabit. [...] Docet publ. hora Ima & Vta. (Lectio publica, Philosophische Fakultät)

Sommersemester 1707: In Physicis, absolutis de Aere commentationibus, novas de Igne, ex placitis incomparabilis, difficili hoc in argumento, viri Pauli Casati exordietur. [...] Docet publ. hora Ima & VIta. (Lectio publica, Philosophische Fakultät)

Sommersemester 1707: Privatim dogmata Optica practica, Gnomonica, Statica, Trigonometrica Sphaerica, ut et Physica, ad finem jam tum cum Deo deduxit: in Algebraicis autem adhuc detinetur exercitiis. (Lectio privata, Philosophische Fakultät)

Sommersemester 1707: Praeter haec ipsa, quas desiderarunt, tum Mathematicas, tum Physicas scholas denuo aperiet, in singulis ad voluntatem et commoda Commilitonum sese compositurus. (Lectio privata, Philosophische Fakultät)

Wintersemester 1710/1711: Rvdolphvs Christianvs VVagner, Mathematum ac Naturalium Prof. Ordin. Geometricas institutiones, quas Arithmeticas & Algebraicis exercitiis finitis, nuper est exorsus, perinde ac de Anima praelectiones sedulus continuabit. [...] Docet publice horis Ima & Vta. (Lectio publica, Philosophische Fakultät)

Wintersemester 1710/1711: Privatim Optica & Gnomonica Commilitonibus tradidit, quibus in iis, quae ad se spectant, studiis, pro desiderio ipsorum, porro lubens ac promtus aderit. (Lectio privata, Philosophische Fakultät)

Sommersemester 1711: Rvdolphvs Christianvs Wagner, Mathematum ac Naturalium Prof. Ordin. Geometricis doctrinis ad ductum Sturmii usque huc explicatis, Opticas ex eodem Autore, experimentis recentiorum, cumprimis Newtonianis illustrandas C. D. subjunget. [...] Docet publice horis I. [...]. (Lectio publica, Philosophische Fakultät)

Sommersemester 1711: Commentationes autem de Anima aliae de Homine, sucundum theses B. in his studiis Antecessoris sui Schraderi, a Commilitonibus denuo maxime opere rogatae, excipient. […] Docet publice horis […] V. (Lectio publica, Philosophische Fakultät)

Sommersemester 1711: Privatim in complexu disciplinarum Mathematicarum, elapso semestri inchoato, explanando non modo perget, verum & iis, qui institutiones Physicas desiderarunt, promptam utilemque operam navabit. (Lectio privata, Philosophische Fakultät)

Wintersemester 1712/1713: Rvdolphvs Christianvs Wagner, Mathematum ac Naturalium Prof. Ordin. absolutis Architecturae Civilis institutionibus per hos menses hybernos ad Astronomica se conferet, atque Scientiam Cosmicam, hoc est Astronomiam tam Sphaericam, quam Theoricam, ad ductum Tabularum B. Sturmii exponet.[...] Docet publice horis I. [...]. (Lectio publica, Philosophische Fakultät)

Wintersemester 1712/1713: In physics autem jucundam de Meteoris, doctrinam interpretabitur. Docet publice horis [...] V. (Lectio publica, Philosophische Fakultät)

Wintersemester 1712/1713: Privatim partim disciplinas Cursu mathematico, post paschatos festum inchoato, comprehensas explanare contibuabit, partim novum denuo, ex Commilitonum desiderio auspicabitur. (Lectio privata, Philosophische Fakultät)

Sommersemester 1713: Rvdolphvs Christianvs Wagner, Mathem. ac Natural. Prof. Ordin. praelectiones Astronomicas, in quibus explanandis versatur, continuabit, atque C. D. absolvet. [...] Docet publice hora X [...]. (Lectio publica, Philosophische Fakultät)

Sommersemester 1713: In philosophia autem naturali Meteorologicis Commentationinbus finitis, Institutiones physicas interpretabitur. [...] Docet publice horis [...] V. (Lectio publica, Philosophische Fakultät)

Sommersemester 1713: Privatim his Geometriae; illis Optices; istis Architecturae militarias, alia Geographiae praecepta tradit, quibus deinceps reliquas, quae desicderabuntur, disciplinas ordine subjunget. (Lectio privata, Philosophische Fakultät)

Wintersemester 1713/1714: Rvdolphvs Christianvs Wagner, Mathem. ac Natural. Prof. Ordin. absolutis commentationibus Astronomicis Horographiam; & post hanc, Chronologiam Commilitonibus tradet. [...] Docet publice horis [...] I. (Lectio publica, Philosophische Fakultät)

Wintersemester 1713/1714: Physicas vero Institutiones usque huc explanatas excipiet denuo argumentum in his speciale, in quo caloris & frigoris naturas scrutabitur, accommodis experimentis illustrabit, atq[ue] insimul instrumentorum, pro differentibus horum gradibus determinandis, a recentiores inventorum, & componendorum, & examinandorum, rationem harum doctrinarum cupidos edocebit. [...] Docet publice horis [...] V. (Lectio publica, Philosophische Fakultät)

Wintersemester 1713/1714: Privatim, prout quotannis factum, singulis tum ordinariis, tum extraordinariis, Mercurii & Saturni, diebus explanationem Disciplinarum Mathematicarum quarumque sedulus C. D. continuabit. (Lectio privata, Philosophische Fakultät)

Sommersemester 1714: Rvdolphvs Christianvs Wagner, Mathem. ac Natural. Prof. Ordin. finitis Chronologicis, ad Statisticas et Mechanicas praelectiones progressum instituet, atque, pro temporis, quod ab his reliquum erit, ratione, argumentum aliud, jucundum aeque ac utile, e tabula publica tunc nominandum, explanabit. [...] Docet publice horis Ima [...]. (Lectio publica, Philosophische Fakultät)

Sommersemester 1714: In physicis pernobilem illam de Homine doctrinam, a B. Schradero thesibus, vastissimam eruditionem spirantibus, comprehensam, atque a Commilitonibus denuo tantopere desideratam, interpretabitur. [...] Docet publice horis Vta. (Lectio publica, Philosophische Fakultät)

Sommersemester 1714: Privatim autem, quae in cursu mathematico restant, absolvet, perinde ac novam disciplinarum mathematicum seriem, justu ambitu circumscriptam, auspicabitur. (Lectio privata, Philosophische Fakultät)

Wintersemester 1714/1715: Rudolphus Christianvs Wagner Mathem. & Naturalis Philosophiae Prof. Ordin. post finitas Institutiones Algebraicas, ad Geometricas se convertet, & egregium Euclidis dogmata in compendio exhibentem libellum Elementorum Geometriae P. Ign. Gasst. Pardies explanabit. [...] Docet publice horis prima & quinta. (Lectio publica, Philosophische Fakultät)

Wintersemester 1714/1715: In Physicis autem parti generali Institutionum physicarum Schmiderianvm specialem subjunget. [...] Docet publice hora prima & quinta. (Lectio publica, Philosophische Fakultät)

Wintersemester 1714/1715: Privatim continuabit C. D. scholas & studias ad utrumque munus spectantia, & ad commoda ac desideria Dn. Commilitonum in his nunquam non se componet. (Lectio privata, Philosophische Fakultät)

Sommersemester 1715: Rvdolphvs Christianvs Wagner Mathem. & Natural. Philosophiae Prof. Ordin. post finitas Institutiones Algebraicas, ad Geometricas se convertet, & egregium Euclidis dogmata in compendio exhibentem libellum Elementorum Geometriae P. Ign. Gast. Pardies explanabit. [...] Docet publice horis prima [...]. (Lectio publica, Philosophische Fakultät)

Sommersemester 1715: In Physicis autem parti generali Institutionum physicarum Schmidianarum specialem subjunget. [...] Docet publice horis [...] quinta. (Lectio publica, Philosophische Fakultät)

Sommersemester 1715: Privatim continuabit C. D. scholas & studia ad utrumque munus spectantia, & ad commoda ac desideria Dn. Commilitonum in his numquam non se componet. [...] Docet publice diebus ordinariis hora antemeridiana VIII. (Lectio privata, Philosophische Fakultät)

Wintersemester 1715/1716: Rvdolphvs Christianvs Wagner Mathem. & Natural. Prof. Ordin. Algebraicas exercitationes, ob impedimentia, e gravi, quocum eidem, per plures hebdomadas, fuit conflictandum, morbo enata, circa festum Michaelis demum finivit. Qua de re libellum Elementorum Geometriae P. Ign. Gast. Pardies, dogmata Euclidis in compendio exhibentem, hibernis hisce mensibus explanabit. [...] Docet publice horis Ima. & Vta. (Lectio publica, Philosophische Fakultät)

Wintersemester 1715/1716: [...] In Physicis autem pernobilem de Anima doctrinam, omnium ordinum studiosis scitu necessariam, atque aliquot abhinc annis succinctis thesibus comprehensam, commilitonibusbue traditam, denuo interpretabitur. [...] Docet publice horis Ima. & Vta. (Lectio publica, Philosophische Fakultät)

Wintersemester 1715/1716: [...] Privatim in disciplinis Mathematicis his, illisque, ad ductum CLmorum. Virorum Sturmii, & Wolffii exponendis progredietur. (Lectio privata, Philosophische Fakultät)

Sommersemester 1716: Rvdolphvs Christianvs Wagner Mathem ac Natural. Prof. Ordin. observationes tum Saturni cum annulo suo, tum eorum, quae Jovem circumeunt, satellitum, singulis noctibus serenis per hanc quoque hyemem continuavit. Ita telescopiis majoribus, viginti & triginta pedum longitudinis, praestantissimis, facies eorum, quando satelles ob radios alteriius, vel ipsius etiam Iovis admodum vicini, per telescopi minora cerni haud poterat, Commilitonibus nihilo secius exhibuit; verum & extra illum situm, lebtibus, quatuor non nisi pedum foci, eosdem exquisite jam tum oculis usurpari posse, vicibus perquam multis, spectatoribus ostendit. [...] Docet publice horis Ima et Vta. (Lectio publica, Philosophische Fakultät)

Sommersemester 1716: Praeter hasce operas in libro Elementorum Geometriae P. Ing. Gart. Pardies explanando est versatus, quas interpretationes, perinde ac in physicis de Anima disputationes, aestivis hisce mensibus C. D. absolvet. [...] Docet publice horis Ima et Vta. (Lectio publica, Philosophische Fakultät)

Sommersemester 1716: Privatim una schola mathesin Compendiariam B. Sturmii, duabus autem aliis Elementa Matheseos universae Celeberrimi & omni encomio memorandi Wolffii ulterius explanabit. (Lectio privata, Philosophische Fakultät)

Wintersemester 1716/1717: Rvdolphvs Christianvs Wagner Mathematum & Naturalium Prof. Ordin. absolutis Geometricae institutionibus ex P. Ign. Gast. Pardies libro Elementorum de promtis in Astrognosiam B. Strauchii, per hybernum instans semestre tempus commentabitur. [...] Docet publice horis Ima [...]. (Lectio publica, Philosophische Fakultät)

Wintersemester 1716/1717: In Physicis autem doctrinam de Homine secundum incomparabilis in hisce studiis Antecessoris sui B. Schraderi theses Mstas ingenisissimas denuo Commilitonibus tradet. [...] Docet publice horis […] Vta. (Lectio publica, Philosophische Fakultät)

Wintersemester 1716/1717: Perinde ac privatas tam Matheseos Universae Wolffianorum interpretationes sedulos continuabit. (Lectio privata, Philosophische Fakultät)

Sommersemester 1717: Rvdolphvs Christianus Wagner, Mathematum & Naturalium Prof. Ordin. Astronomicas institutiones, quas per hybernos menses Commilitonibus tradidit, cum Opticis permutabit, easque ad ductum Matheseos compendiaria Sturmianae proponet & explanabit. [...] Docet publice horis Ima [...]. (Lectio publica, Philosophische Fakultät)

Sommersemester 1717: Illis autem de Homine nuper finitis, Scientiae naturalis seu Physicae positivae totum systema Schmidianum subjunget. [...] Docet publice horis [...] Vta. (Lectio publica, Philosophische Fakultät)

Sommersemester 1717: Privatim cursum mathematicum, quem huc usque continuatum, perinde absolvit, denuo C. D. exordietur. (Lectio privata, Philosophische Fakultät)

Wintersemester 1717/1718: Rvdolphvs Christianvs Wagner, Mathematum ac Naturalium Prof. Ordin. Opticis institutionibus, ad ductum Matheseos Compendiariae Sturmiana finitis, Architectura militaris illas, quae has excipiunt, commilitonibus tradet. [...] Docet publice horis IIItia [...]. (Lectio publica, Philosophische Fakultät)

Wintersemester 1717/1718: [...] Macularum Solarium quoque, quarum uberior proventus per aestivos menses sese ostenderat, observationes ac delineationes, diebus serennis cotidie spectatoribus, multis horis, gratis exhibitas, tempore commodo, easdemque oblaturo, non minus continuabit. Physices Schmidiana partem specialem, in qua exponenda versatur, perinde absolvet. Docet publice horis [...] Vta. (Lectio publica, Philosophische Fakultät)

Wintersemester 1717/1718: [...] Privatim autem sedulus perget in explicandis cursu mathematici disciplinis, quem solum, uti hoc, quo magistratum Academicum C. D. gerit, tempore, publicis praelectionibus utriusque studii, haud multum detrahetur, superiori semestri est auspicatus. (Lectio privata, Philosophische Fakultät)

Sommersemester 1718: Rvdolphvs Christanvs Wagner, Mathem. & Natural. Prof. Ordin. quamprimum, quae restant ex Architectura militari, absolverit, civilis illius institutiones, eundem Sturmium, [cuitamen artis hujus peritissimos selectos alios junget] secutus, perinde explanabit. [...] Docet publice horis IIItia. [...]. (Lectio publica, Philosophische Fakultät)

Sommersemester 1718: In physicis autem doctrinam de Anima & corpore animato pertractabit. [...] Docet publice horis […] V.ta. (Lectio publica, Philosophische Fakultät)

Sommersemester 1718: Privatim denique ad voluntatem Commilitonum lubens se componet, atque juxta cursum, quem iisdem tradet, mathematicum, vel novum exordietur, vel iis, qui hac aut illam, ex ambitu nominatu, disciplinam desiderabunt, suis praesto erit operis & adjumentis. (Lectio privata, Philosophische Fakultät)

Wintersemester 1718/1719: Rvdolph. Christ. Wagner, Mathem. ac Naturall. Prof. Ordin. in explanandis Architecturae Civilis institutionibus per semestre hoc occupabitur. Iuxta has observationes macularum solarium perinde ac alias coelestes [...]. [...] Docet publice horis IIItia [...]. (Lectio publica, Philosophische Fakultät)

Wintersemester 1718/1719: [...] in physicis autem praelectiones de Anima & corpore animato continuabit. [...] Docet publice horis […] Vta. (Lectio publica, Philosophische Fakultät)

Wintersemester 1718/1719: Privatim perget in cursu mathematico, aliisque quas separatim aliis horis pertractat disciplinis mathematicis, atque in isto Opticam, quam ordo tangit, exordietur. (Lectio privata, Philosophische Fakultät)

Sommersemester 1719: Rvdolph. Christ. Wagner, Mathem. ac Natural. Prof. Ordin. absolutis Architectonicis Commentationibus ad Gnomonicas per proximos menses explanandas se convertet. [...] Docet publice horis III [...]. (Lectio publica, Philosophische Fakultät)

Sommersemester 1719: In Physicis vero illas de Anima & corpore animato finitas excipiet totum Institutionum physicarum systema, quod hoc & futuro semestri interpretabitur. [...] Docet publice horis [...] V. (Lectio publica, Philosophische Fakultät)

Sommersemester 1719: Privatim quae in disciplinarum mathematicarum ambitu restant, ad finem C. D. non minus perducet, atque, ex desiderio Commilitonum novum talem cursum exordietur. (Lectio privata, Philosophische Fakultät)

Sommersemester 1720: Rvdolphvs Christianvs Wagner, mathematum ac naturalium Prof. ordin. a commentationibus Astrognosticis, superiori semestri absolutis, ad praelectiones in Artem Geometricam, inclyti quondam academiae hujus JCti & mathematum doctoris Jo. a Felden instituendas se convertet. [...] Docet publice horis post meridiem III [...]. (Lectio publica, Philosophische Fakultät)

Sommersemester 1720: In physicis doctrinam de Homine, ad ductum thesium B. Antecessoris, celeberrimi Schraderi, denuo rogatus interpretabitur. [...] Docet publice horis post meridiem [...] V. (Lectio publica, Philosophische Fakultät)

Sommersemester 1720: Privatim non tantum novam disciplinarum mathematicarum compagem ac seriem, (cursum vocant mathematicum) auspicabitur, verum & juxta hunc sigillatim, illam vel istam, scientiarum dictarum, explanare, modo consueto, perget. (Lectio privata, Philosophische Fakultät)

Sommersemester 1721: Rvdolphvs Christianvs Wagner, mathematum ac naturalium prof. pauca, quae restant, ex arte Geometrica Feldeni, problemata, in campo absolvet. Inde vero Opticas institutiones Commilitonibus tradet. [...] Docet publ. horis III. & V. (Lectio publica, Philosophische Fakultät)

Sommersemester 1721: [...] In physicis, postquam doctrina de Homine ante festos paschatis dies ad finem C.D. erit perducta, argumenta physica in sacro Codice occurrentia Auditoribus explanabit, [...] Docet publ. horis III. & V. (Lectio publica, Philosophische Fakultät)

Sommersemester 1721: [...] atque ab iis exordietur, quae historia passionis Servatoris nostri suppeditat. [...] Docet publ. horis III. & V. (Lectio publica, Philosophische Fakultät)

Sommersemester 1721: [...] Privatim complexum disciplinarum mathematicarum denuo inchoabit. (Lectio privata, Philosophische Fakultät)

Sommersemester 1723: [...] Privatim, quae in cursu mathematico restabant, architecturam utramque absolvit; Commilitones alios autem, adsumtis pluribus horis; analysin infinitorum, id est, calculos; differentialem, integralem, & exponentialem edocuit: Idem porro, secundum desideria commilitonum, C.D. singulis in disciplinis, ad se pertinentibus, facturus. (Lectio privata, Philosophische Fakultät)

Sommersemester 1723: Rvdolphvs Christianvs Wagner, mathematum ac naturalium Prof. ordin. geometriam, atque trigonometriam planam, ad ductum B. Sturmii, & Celeb. Wolffii, hoc semestri absolvit. Inde ad explanandam Architecturam civilem V.D. se convertet. [...] Docet publice hora III. & Vta. (Lectio publica, Philosophische Fakultät)

Sommersemester 1723: [...] Physicis autem institutionibus perinde finitis, commentationes de Homine, ex thesibus Schraderianis exordietur. [...] Docet publice hora III. & Vta. (Lectio publica, Philosophische Fakultät)

Wintersemester 1723/1724: [...] quam & reliquas Elementorum Wolffianorum interpretationes, in cursu mathematico sedulus continuabit. Docet publice horis IIItia & Vta. (Lectio publica, Philosophische Fakultät)

Wintersemester 1723/1724: [...] Privatim vero, post algebraicas, arithmeticas & geometricas, superioribus mensibus explanatas institutiones, diversis horis tam in opticis desideratis Commilitiones exercebit; [...] (Lectio privata, Philosophische Fakultät)

Wintersemester 1723/1724: Rvdolphvs Christianvs VVagner, mathematum & naturalium Prof. Ordin. per proximum semestre praelectiones Architectonicas perinde ac illas de Homine C. D. absolvet. [...] Docet publice horis IIItia & Vta. (Lectio publica, Philosophische Fakultät)

Sommersemester 1724: Rvdolphvs Christianvs VVagner, mathematum et naturalis philosophiae prof. ord. absolutis superiori semestri, architectonicis commentationibus, proximo staticas & mechanicas, ad ductum ejusdem auctoris, celeb. Wolffii, C.D. explanabit. [...] Docet publice horis II. & V. (Lectio publica, Philosophische Fakultät)

Sommersemester 1724: [...] Privatim, postquam ex elementis matheseos Wolffianis, Auditores trigonometriam, architecturam civilem, ut & alios arithmeticam vulgarem edocuit; inde non tantum ad exponendam architecturam militarem se convertet; verum & disciplinarum mathematicarum novam seriem; a Commilitonibus aliis desideratam, exordietur. (Lectio privata, Philosophische Fakultät)

Sommersemester 1724: [...] In physicis autem finitis perinde de Homine praelectionibus novas de Anima inchoabit, quando in prioribus argumentum hoc non nisi paucis a B. Schradero, ultimo harum capite fuit tactum. [...] Docet publice hora II. & V. (Lectio publica, Philosophische Fakultät)

Wintersemester 1724/1725: [...] perinde, ac tribus aliis, per singulos dies, horis, privatas, in hydrostaticam, atque aerometriam, architecturam civilem, & trigonometriam sphaericam commentationes. Hisce vero non minus alias mathematicas disciplinas, ex Commilitonum desiderio, subjunget. (Lectio privata, Philosophische Fakultät)

Wintersemester 1724/1725: Rvdolphvs Christianvs VVagner, mathematum ac naturalium prof. ordin. mechanicas institutiones celeb. Wolffi; [...] Docet publice horis III. & V. (Lectio publica, Philosophische Fakultät)

Wintersemester 1724/1725: [...] in physicis autem praelectiones de anima & corpore animato, & praeter has observationes coelestes per instans semestre pariter, & sedulus, continuabit; [...] Docet publice horis III. & V. (Lectio publica, Philosophische Fakultät)

Sommersemester 1725: [...] Perinde ac in physicis istas de Anima & Corpore animato iam tum absolutas, alia Institutionales, sive de Physica positiva dicta, Venerab. Schmidii nostri excipient. [...] Docet publice horis III. & V. (Lectio publica, Philosophische Fakultät)

Sommersemester 1725: Rvdolphvs Christianvs VVagner, Mathematum & Naturalium prof. Ordin. post Mechanicas Celeb. Wolffii institutiones ad illas, quae Eiusdem Compendium omnium scientiarum mathematicarum tradunt, se convertet. [...] Docet publice horis III. & V. (Lectio publica, Philosophische Fakultät)

Sommersemester 1725: [...]In privatis autem iuxta easdem, quam iamtum habet, mathematicas disciplinas praeleget. (Lectio privata, Philosophische Fakultät)

Wintersemester 1725/1726: [...] Privatis acroasibus expositis Arithmetices, Geometriae, et Trigonometriae doctrinis, illam Mechanices et reliquas etiam conficere allaborabit. (Lectio privata, Philosophische Fakultät)

Wintersemester 1725/1726: [...] Neque minus in explanandis Institutionibus Physicis Schmidianis, qua licebit industria, perget. [...] Docet publice horis III. & V. pomeriadianis. (Lectio publica, Philosophische Fakultät)

Wintersemester 1725/1726: Rvdolphvs Christianvs VVagner, Mathematum et Naturalium Prof. Ordin. absolutis institutionibus Arithmeticis ad ductum Compendii Elementorum Mathematicorum Wolffiani, eodem duce coeptam Geometriam, quantum regiminis Academici negotia temporis reliquum facient, persequetur. [...] Docet publice horis III. & V. pomeriadianis. (Lectio publica, Philosophische Fakultät)

Sommersemester 1726: [...]Illis quoque, qui in Mathematicis privata industria uti cupiunt, easdem ad ductum Wolffii, vel Weidleri aut Liebknechtii se explicaturum pollicetur. (Lectio privata, Philosophische Fakultät)

Sommersemester 1726: Rvdolphvs Christianvs VVagner, Mathem. ac Natural. Prof. Ord. Quando explicationem Geometriae ad ductum derer Anfangs-Gründe Mathematischer Wissenschaften Celeber. Wolffii superiori semestri, [...] Docet publ. hor. III. et V. (Lectio publica, Philosophische Fakultät)

Sommersemester 1726: [...] aeque ac Commentationes Physicas venerab. Schmidii nostri fasces Academici interceperunt; utraque resumet, et denuo in iis sedulo inchoatis perget. [...] Docet publ. hor. III. et V. (Lectio publica, Philosophische Fakultät)

Wintersemester 1726/1727: Rvdolphvs Christianvs VVagner, Mathemarum et Naturalium Prof. Publ. Ordin. in Commentationibus ad Wolffii Auszug der Anfangs- Gründe aller mathematischen Wissenschaften, finitis Geometicis, ad Trigonometrica perget. [...] Docet hora IIItia et Vta pomeridianis (Lectio publica, Philosophische Fakultät)

Wintersemester 1726/1727: [...] In Physicis, secundum ductum Institutionum Schmidianarum, a generali ad specialem Physicam pervenit, atque operam dabit, ut hoc semestri ad finem hasce acroases perducat. [...] Docet hora IIItia et Vta pomeridianis. (Lectio publica, Philosophische Fakultät)

Wintersemester 1726/1727: [...] Privatim Wolffii Geometrica rogatus explicat, ad reliquas deinde partes perrecturus. (Lectio privata, Philosophische Fakultät)

Sommersemester 1727: [...] In Physicis explicata parte physicorum Schmidianorum speciali suas de Anima & corpore animato theses proponet. [...] Docet hora III. & V. pomerid. (Lectio publica, Philosophische Fakultät)

Sommersemester 1727: [...] Privatim quoque eorundem desideriis satisfaciet. (Lectio privata, Philosophische Fakultät)

Sommersemester 1727: Rvdolphvs Christianvs VVagner, Mathemat. et Natural. Prof. Ord. in Mathematicis hucusque explicavit Trigonometriam, et Mechanicam nunc continuat ad ductum Compendii Elementorum Mathes. celeb. Wolffii. His ad finem perductis, quae Commilitonum maxime interesse iudicaverit, eliget. [...] Docet hora III. & V. pomerid. (Lectio publica, Philosophische Fakultät)

Sommersemester 1727: [...] In Physicis explicata parte physicorum Schmidianorum speciali suas de Anima & corpore animato theses proponet. [...] Docet hora III. & V. pomerid. (Lectio publica, Philosophische Fakultät)

Sommersemester 1727: [...] Privatim quoque eorundem desideriis satisfaciet. (Lectio privata, Philosophische Fakultät)

Wintersemester 1727/1728: Rvdolphvs Christianvs VVagner, Mathematum et Naturalium Prof. Ord. ad finem perductis Institutionibus Mechanicis ad ductum Cel. Wolffii eodem auctore praeeunte Hydrostatices ac Aerometriae principia Auditoribus tradet. [...] Docet horis III. e V. pomeridianis. (Lectio publica, Philosophische Fakultät)

Wintersemester 1727/1728: [...] In Physicis vero doctrinam de Homine inchoatam, et ad medium circiter perductam hoc semestri continuabit et absolvet. [...] Docet horis III. et V. pomeridianis. (Lectio publica, Philosophische Fakultät)

Wintersemester 1727/1728: [...] Reliquas autem scholas ad Nobiliss. Commilitonum desiderium adcommodabit. (Lectio privata, Philosophische Fakultät)

Sommersemester 1728: Rvdolphvs Christianvs VVagner, Mathem. et Naturalium Prof. Ordin. hucusque in commentationibus ad Hydrostatica celeb. Wolffii est occupatus; quibus ad finem perductis, in Aerometriam eiusdem Auctoris commentari inchoabit. [...] Docet publice horis III. et V.ta pomeridianis. (Lectio publica, Philosophische Fakultät)

Sommersemester 1728: [...] In Physicis absolvit Acroases Schraderianas, de Homine; hinc Physicam, concinnis thesibus cum explanatione in calamum dictatis, ac utrisque sermone illustratis, rogatus dabit. Docet publice horis III. et V.ta pomeridianis. (Lectio publica, Philosophische Fakultät)

Sommersemester 1728: Rvdolphvs Christianvs VVagner, Mathem. et Naturalium Prof. Ordin. hucusque in commentationibus ad Hydrostatica celeb. Wolffii est occupatus; quibus ad finem perductis, in Aerometriam eiusdem Auctoris commentari inchoabit. [...] Docet publice horis III. et V.ta pomeridianis. (Lectio publica, Philosophische Fakultät)

Sommersemester 1728: [...] In Physicis absolvit Acroases Schraderianas, de Homine; hinc Physicam, concinnis thesibus cum explanatione in calamum dictatis, ac utrisque sermone illustratis, rogatus dabit. Docet publice horis III. et V.ta pomeridianis. (Lectio publica, Philosophische Fakultät)

Wintersemester 1728/1729: Rvdolphvs Christianvs VVagner, Mathem. & Natural. Prof. Ordin. In Mathematicis Aerometriae principia ad Cel. Wolffii ductum explicat; quibus finitis Hydraulica, eodem Auctore praeeunte, Auditoribus proponet. [...] Docet horis IIItia et Vta pomeridianis. (Lectio publica, Philosophische Fakultät)

Wintersemester 1728/1729: [...] In tradendis vero Physicis, secundum theses a se concinnatas, atque explicatas quoque, est occupatus, quae hoc semestri ad finem perducere allaborabit. Reliqua vero ad Nob. Commilitonum desideria accommodabit. Docet horis IIItia et Vta pomeridianis. (Lectio privata, Philosophische Fakultät)

Sommersemester 1729: Rvdolphvs Christianvs Wagner, Mathem. et Natural. Prof. Ordin. post finitas commentationes Hydraulicas, ad ductum. VVolffii institutas, Eodem praeeunte Opticen Nobilissimis Com- militonibus proponet. [...] Docet publice horis pomeridianis tertia, & quinta. (Lectio publica, Philosophische Fakultät)

Sommersemester 1729: [...] In Physicis, partem Naturalis doctrinae specialem adhuc explicat, quam B.C.D. ad finem perducere allaborabit, novas deinceps Acroases e publico loco, si quod supererit temporis, indicaturus. Docet publice horis pomeridianis tertia, & quinta. (Lectio publica, Philosophische Fakultät)

Wintersemester 1729/1730: Rvdolphus Christianvs VVagner, Mathem. & Natural. Prof. Ordin. ad finem perductis praelectionibus Opticis, secundum ductum des Auszugs der Anfangs-Gründe Mathematischer Wissenschafften Celeb. VVolffii Catoptricen et Dioptricen Auditoribus tradet. [...] Docet horis III. et V. pmeridianis. (Lectio publica, Philosophische Fakultät)

Wintersemester 1729/1730: [...] In Physicis autem scholis, quantum ex parte physices speciali reliquum est, absolvet; [...] Docet horis III. et V. pomeridianis. (Lectio publica, Philosophische Fakultät)

Wintersemester 1729/1730: [...] privatas acroases desideriis Nobil. Commilitonum adcommodaturus. (Lectio privata, Philosophische Fakultät)

Sommersemester 1730: Rvdolphvs Christianvs VVagner, Mathemat. & Natural. Prof. Ordin, hucusque in Opticis, Catoptricis, Dioptricisque Acroasibus fuit occupatus. His vero absolutis ad Perspectivam, sic vocatam, & Opticis principiis nitentem, secundum Celeb. Wolffii ductum explicandam seses conferet. [...] Docet horis, IIItia & Vta pomeridianis. (Lectio publica, Philosophische Fakultät)

Sommersemester 1730: [...] In Physicis doctrinam de Homine, ad ductum thesium B. Schraderi nostri, in calamum dictandarum proponere incipiet, in iis hoc semestri perinde & aliis Physicis ac Mathematicis ad Dnn. Commilitonum Iubitum hoc semestri strenue prorecturus. Docet horis, IIItia & Vta pomeridianis. (Lectio publica, Philosophische Fakultät)

Sommersemester 1730: Rvdolphvs Christianvs VVagner, absolutis nuper in Arithmeticam Cel. Wolffii scholis, ad Geometrices principia explananda sese conferet. [...] Docet horis III. & V. (Lectio publica, Philosophische Fakultät)

Sommersemester 1730: [...] In Physicis vero praelectionibus explicatione thesium B. Schraderi de Homine ad finem perducta, reliquum temporis expositioni historiae Passionis Jesu Christi, ex physicis principiis desumtae, consecrabit, & quae dein tradet, ex tabula publica notificabit. Docet horis III. & V. (Lectio publica, Philosophische Fakultät)

Wintersemester 1730/1731: Rvdolphvs Christianvs VVagner Mathem. & Naturalium Prof. Ordin. in Perspectiva, ad ductum cel. Wolffii tradenda est occupatus, qua ad finem perducta Arithmeticam, eodem, praeeunte, nonorum petitis satisfacturus, resumet. [...] Docet publice hor. IIItia & Vta pomeridianis. (Lectio publica, Philosophische Fakultät)

Wintersemester 1730/1731: [...] In Physicis scholis versatur in doctrina de Homine, ad mentem B. Schraderi nostri haud ita pridem coepta, quam ut hoc semestri absolvat, dabit operam. Docet publice hor. IIItia & Vta pomeridianis. (Lectio publica, Philosophische Fakultät)

Sommersemester 1731: Rvdolphvs Christianvs VVagner, absolutis nuper in Arithmeticam Cel. Wolffii scholis, ad Geometrices principia explananda sese conferet. [...] Docet horis III. & V. (Lectio publica, Philosophische Fakultät)

Sommersemester 1731: [...] In Physicis vero praelectionibus explicatione thesium B. Schraderi de Homine ad finem perducta, reliquum temporis expositioni historiae Passionis Jesu Christi, ex physicis principiis desumtae, consecrabit, & quae dein tradet, ex tabula publica notificabit. Docet horis III. & V. (Lectio publica, Philosophische Fakultät)

Wintersemester 1731/1732: Rvdolphvs Christianvs VVagner, Mathem. & Natural. Prof. Ordin. hucusque Pro-Rectoris munere functus, non potuit cepta scholarum, tam mathematicarum, quam physicarum telam perficere. Simul ac vero eo liberatus fuerit, ex publico loco continuandarum, aut denuo inchoandarum praelectionum rationem propalabit. [...] Docet hor. III. ac Vta. (Lectio publica, Philosophische Fakultät)

Wintersemester 1731/1732: [...] Interea tamen temporis, quibus potest modis, philomathematicorum et philophysicorum commilitionum desideriis lubens inserviet. [...] (Lectio privata, Philosophische Fakultät)

Sommersemester 1732: Rvdolphvs Christianvs VVagner, Math. et Natural. Prof. Ordin. depositis Mense Januario fascibus Academicis, Geometriam, praeeunte Celeberr. Wolffio, docuit, et hanc porro absolvet. [...] Doc. publ. hor. IIItia. & Vta. (Lectio publica, Philosophische Fakultät)

Sommersemester 1732: [...] In physicis vero secundum B. Sturmium capita, ad Hominis naturam, eiusque alteram partem, mentem nimirum, pertinentia, ad finem perducet. Ad alia, hanc cumprimis spectantia, proxime sese accinget, idque ex tab. publica significabit. (Lectio publica, Philosophische Fakultät)

Wintersemester 1732/1733: Rvdolphvs Christianvs VVagner, Mathem. et natural. Prof. Ordin. Geormetriam celeb. Wolffii ex Compendio eiusdem absolvit. Per hoc autem semestre Commentationes in Trigonometriam Ipsius exoridetur, et his finitis alia, ex tabula publica, significabit. [...] Docet publice hor. IIItia & Vta. (Lectio publica, Philosophische Fakultät)

Wintersemester 1732/1733: [...] In physicis, vero theses de mente humana, secundum B. Sturmii Physicam modernam ad finem perduxit. Inde Physicam B. Abbatis Schmidii interpretabitur. Docet publice hor. IIItia & Vta. (Lectio publica, Philosophische Fakultät)

Sommersemester 1733: Rvdolphvs Christianvs VVagner, Mathematum et Naturalium Prof. Ordinarius, rogatu Commilitonum Gnomonicam e Celeb. VVolffii Compendio Mathematicarum scientiarum pertractat. [...] (Lectio publica, Philosophische Fakultät)

Sommersemester 1733: [...] In physicis vero B. Abb. Schmidii Physicam positivam explanat. Docet publice hor. III et V. post merid. (Lectio publica, Philosophische Fakultät)

Wintersemester 1733/1734: Rvdolphvs Christianvs VVagner, Mathem. & Natural. Prof. Ordin. in Mathematicis Gnomomica expedivit. Hinc per hyemem Aerometriam celeb. VVolffii explanabit. [...] Docet publice horis III. & V. (Lectio publica, Philosophische Fakultät)

Wintersemester 1733/1734: [...] In Physicis autem partem specialem b. Abb. Schmidii Physicae positivae Nobiliss. Dnn. Commilitonibus tradet. Docet publice horis III. & V. (Lectio publica, Philosophische Fakultät)

Sommersemester 1734: Rvdolphvs Christianvs VVagner, Mathematum ac Naturalium Prof. Ordin. Geometriam ex compendio omnium mathematicarum scientiarum celeb Wolffii, per aestivum hoc tempus tradet. [...] Dcoet horis III. & V. (Lectio publica, Philosophische Fakultät)

Sommersemester 1734: [...] In Physicis autem doctrinam de Homine B. antecessoris sui Schraderi commilitonibus exponet. Docet horis III. & V. (Lectio privata, Philosophische Fakultät)

Wintersemester 1734/1735: Rvdolphvs Christianvs Wagner Mathematum et Naturalium Prof. Ordin. ex Geometria celeb. Wolffii pauca, quae restant, exponet, [...] Docet horis III. & V. (Lectio publica, Philosophische Fakultät)

Wintersemester 1734/1735: [...] et inde Trigonometriam eiusdem Auctoris commonstrabit. [...] Docet horis III. & V. (Lectio publica, Philosophische Fakultät)

Wintersemester 1734/1735: [...] In Physicis vero doctrinam de Homine, B. Schraderi per hoc tempus absolvet. Docet horis III. & V. (Lectio publica, Philosophische Fakultät)

Sommersemester 1735: Rvdolphvs Christianvs VVagner, Mathematum & Natural. Prof. Ordin. usque huc Geometriam & Trigonometriam in Mathematicis, [...] (Lectio publica, Philosophische Fakultät)

Sommersemester 1735: [...] in Physicis autem doctrinam de Homine, ex Msto. B. antecessoris Schraderi Auditores docuit. Nunc per sex menses secuturos Opticam Practicam, iisdem proponet, et quando una hora, huic negotio, diebus ordinariis haud erit sufficiens; tum binas, eodem tempore, Dnn. Commilitonibus exhibebit, et Physicas hinc commentationes a festo Michaelis, D.V. ordietur. (Lectio publica, Philosophische Fakultät)

Sommersemester 1736: […] In Physicis absoluta de motu animalium doctrina, alia ex Naturalibus pandet, ex tabula publica hinc memoranda. Docet publice hora IIltia & Vta (Lectio publica, Philosophische Fakultät)

Sommersemester 1736: Rvdolphvs Christianvs Wagner, Mathematum & Naturalium Prof. Ordin. Ea, qua Celeberr. Wolffius in Compendio Mathematicarum disciplinarum, de Aerometria proposuit, per hanc aestatem docere statuit. […] Docet publice hora IIltia & Vta (Lectio publica, Philosophische Fakultät)

Wintersemester 1736/1737: Rvdolphvs Christianvs VVagner, Mathem. et Natural. Prof. Ordin. ea, quae Gnomonica concernunt, ex compendio Mathematum VVolffiano explicabit. [...] Docet publice hora IIItia et Vta. (Lectio publica, Philosophische Fakultät)

Wintersemester 1736/1737: [...] In Physicis per sequentes sex menses illas aperiet doctrinas, quae de mente humana, ex principiis Leibnitianis a se conscripta sunt. Docet publice hora IIItia et Vta. (Lectio publica, Philosophische Fakultät)

Sommersemester 1737: Rvdolpho Christiano VVagnero, Mathem. & Naturalium Prof. Ordinario, animus est, per hos menses B. Abb. Schmidii Collegii experimentalis physico mathematici demonstrationes Commilitonibus explanare. [...] Docet publ. hora XIma. (Lectio publica, Philosophische Fakultät)

Sommersemester 1737: [...] Et quoniam in his plurima occurent physica, eapropter horas suas physicas huc pertrahet, et in his quae usu venient, explicationes, Dominis Auditoribus proponet. (Lectio publica, Philosophische Fakultät)

Wintersemester 1737/1738: Rvdolphvs Christianvs VVagner, Mathem. & Natural. Prof. Ordin. usque huc b. Abb. Schmidii Collegium experimentale physico-mathematicum Dnn. Auditoribus explicavit, & nunc in doctrina de vacuo spatio versatur, atque singula, quae cumprimis antliae pneumaticae opera peraguntur, Ipsis demonstrat. Deinde vero quae elementa, meteora, coelum, Optica, & auditum concernunt, iisdem subiunget. Docet publ. hora XIma. (Lectio publica, Philosophische Fakultät)

Sommersemester 1738: Rvdolphvs Christianvs VVagner, Mathematum ac Natural. Prof. Ordin. ex desiderio Commilitonum, in Mathesi, praxin elaborandarum quarumvis lentium opticarum, beneficio patinarum vel ferrearum vel cuprearum, vel orichalcearum ( germ. der Schleif Schüsseln) Ipsis commonstrabit. Et quoniam huic negotio una hora, diebus ordinarius, haud erit sufficiens, binas eodem tempore, dominis commilitonibus impendet, et Physicas commentationes, his finitis, C.D. ordietur. (Lectio publica, Philosophische Fakultät)

Wintersemester 1738/1739: Rvdolphvs Christianvs VVagner, Mathematum ac Naturalium Prof. Ordin. in Mathesi praxin elaborandarum quarumvis lentium Opticarum Commilitonibus usque huc ostendit, et telescopia maiora Ipsis nunc commonstrat, pedibus etiam quindecim longa. Binas quoque horas, diebus ordinariis, Iisdem, per hiemem, impendet, et d. 15 mensis praeteriti Augusti Eclipsin solis rite observavit. (Lectio publica, Philosophische Fakultät)

Sommersemester 1739: Rvdolphvs Christianvs VVagner, Mathematum ac Naturalium Prof. Ordin. per hiemem diebus ordinariis in Optico-practicis, Microscopia Commilitonibus quomodo fabricanda sint, ostendit. Nunc per sex menses aestivos ex Celeb. Teichmeieri Elementis Philosophiae naturalis experimentalis, ea quae cum primis antliam pneumaticam concernunt Ipsis explicabit, et singula curate commonstrabit. (Lectio privata, Philosophische Fakultät)

Wintersemester 1739/1740: Rvdolphvs Christianvs Wagner, Mathematum ac Naturalium Prof. Ordinar. Commilitonibus, quae aliam pneumaticam concernunt artificial, explicate dabit. (Lectio privata, Philosophische Fakultät)

Sommersemester 1740: Rvdolphvs Christianvs Wagner, Mathemat. & natural. Prof. Publ. Ord. in opticis, quomodo microscopia paranda sint, commilitonibus ostendet, & in celeb. Teichmeieri elementa philosophiae naturalis commentabitur. Docet publice hora XI-XII. (Lectio publica, Philosophische Fakultät)

Wintersemester 1740/1741: Rvdolphvs Christianvs VVagner, Mathemat. & natural. Prof. Publ. Ord. quanquam valetudine impeditus, quo minus publicas lectiones instituere possit, non intermittet tamen, quacunque poterit, ratione studiosae iuuentutis commoda promouere. (Lectio publica, Philosophische Fakultät)

Sommersemester 1741: Rvdolphvs Christianvs Wagner, Mathemat. et natural. Prof. Publ. Ord. quamquam valetudine impeditus, quominus publicas lectiones instituere possit , non intermittet tamen, quacunque poterit, ratione ftudiosae iuuentutis commoda promouere. (Lectio privata, Philosophische Fakultät)

Rechenschaftsberichte (54)

Dissertationen (8)

Reden/Programme (7)

Beteiligung an Reden/Programmen (1)